Ermənilər alimin kamerasını sındırdılar - FOTOLAR

Türkiyənin İzmir şəhərində  Dünya Azərbaycanlıları Konqrensi və "Azərbaycan Qardaşlıq və İşbirliyi Dərnəyi”nin təşkilatçılığı ilə ‘’Kral Cıplak”, "Ermənini Tanı”,  "Ermənilərin Türklərə Baxış acısı’’ adlı konfrans kecirilib. 

Konfransda  çıxış edən  Türk-Erməni əlaqələrini araşdıran "And içmiş müstəqil Elm  adamları heyəti”nin üzvü Şakir Gənc  araşdırma aparmaq üçün Ermənistana getdiyini bildirib və sözügedən ölkədə qarşılaşdığı çətinliklərdən danışıb. 

O, Ermənistanda olarkən başqa ölkələrdən gələn tarixçilərin deyil, məhz onun çəkiliş aparmasına icazə verilmədiyini, bütün dünyanın gözü qarşısnda kamerasının əlindən alınaraq sındırıldığını xatırladıb.

Şakir Gənc üzləşdiyi hadisələrlə əlaqədar olaraq 11 ölkənin dövlət başçısına müraciət etdiyini, ona qarşı haqsızlıq edildiyini, hətta Ermənistan hüquq mühafizə orqanlarında gördükləri zorakılıq barədə ətraflı məlumat verdiyini xüsusi ilə vurğulayıb: ‘

’Mən Ermənistana öz başıma getməmişdim. 11 ölkənin dövlət başcısının imzaladığı sənəd əsasında bu ölkədəydim. Ermənistan bu ölkələri saya salmayaraq, bizə qarşı hec bir əsas gətirmədən təzyiq ediblər. Hətta polis idarəsində  bir stəkan suyu vermədilər. Saatlarla bizi susuz saxladılar. Sərhəddən çıxarılarkən isə məcbur qalıb pasport qeydiyyatı aparan adamın qarşısındakı suyu belə götürüb içdik.”

Türkiyənin dəfələrlə arxivlərin açıq olmasını bəyan etməsinə baxmayaraq ermənilərin bu günə qədər heç bir arxivini açmadığını xatırladan Ş.Gənc, dünyanın da erməni yalanını bildiyini konfrans iştirakçılarının diqqətinə çatdırıb. 

Araşdırmasını doğru aparacağına "And içən heyət” üzvü olduğunu xatırladan alim, Türkiyənin heç bir soyqırım etmədiyini, bunu dünyanın da cox yaxşı anladığını xüsusi ilə qeyd edib.

Sonda Azərbaycanın tanınmış yazarı, Elşad Eyvazlının Xocalıda ata və anasını itirən 25 uşağın hekayəsini özündə əks etdirən ‘’Böyüməyən Çocuklar’’ kitabının türk dilində olan versiyasının təqdimatı kecirilib. Kitab haqqında ətraflı məlumat verən Cavid Əliyev yazarın cox önəmli məsələyə toxunduğunu, tarıxın hec bir təhrif olunmadan, böyüməyən körpələrin diliylə kitabda əks etdirildiyini bildirib.

C. Əliyev mayda İzmir şəhərində kitab müəllifinin oxucularla görüşünün olacağını konfrans iştirakçılarının nəzərinə çatdırıb.

Digər bir  tədbirdə isə İzmirdə yaşayan soydaşlarımız Azərbaycanda və Türkiyədə şəhid olan əsgərlərin xatirəsinə ehsan veriblər, ruhlarına fatihələr oxunub.

Qaynarinfo.az