"İlqar Məmmədovun durumu yaxşılaşır"
Qaynar.info xəbər verir ki, məlumatı REAL hərəkatının icra katibi Natiq Cəfərli deyib.
Natiq Cəfərlinin sözlərinə görə, REAL Hərəkatının müraciətindən sonra Ombudsman Aparatının əməkdaşı Vüqar Məmmədov 2 saylı cəzaçəkmə müəssisəsində sədrimiz İlgar Mammadovla görüşərək, məlumat yayıb: "İlqar Məmmədovun müalicəsi 2 saylı həbsxananın tibb məntəqəsində davam edir. Onun durumu yaxşılaşır, hərarəti aşağı düşüb. İ.Məmmədov antibiotiklərin təsirsizliyindən gileylənirdi. Bizim mütəxəssislər də ona yeni müalicə yazıb. Onun bronxları soyuqlasa da, indi vəziyyəti düzəlməkdədir: Tibb məntəqəsində onun 10 gün müalicəsi nəzərdə tutulurdu. Əlavə 2-3 gün reabilitasiyada qalmasını da rəhbərlikdən xahiş etdik".
2013-cü il martın 17-də Şəki Ağır Cinayətlər Məhkəməsi 18 nəfəri İsmayıllı iğtişaşlarında iştiraka və onların təşkilinə görə cinayət məsuliyyətinə cəlb edib. ReAl hərəkatının lideri İlqar Məmmədov 7 il müddətinə azadlıqdan məhrum edilib. Bu il sentyabrın 24-də Şəki Apellyasiya Məhkəməsi İlqar Məmmədovun barəsindəki hökmü qüvvədə saxlayıb.
Amnesty İnternational İ.Məmmədovu “vicdan məhbusu” elan edib.
Elkin Xəlilov
Qaynar.info
Şərhlər