Dünən, 31 avqust, Aleksandr Lukaşenkonun 66 yaşı tamam olub.
Qaynarinfo xəbər verir ki, onu bir sıra xarici liderlər, tanınmış şəxslər təbrik edib.
Kremlin saytı Vladimir Putinin Lukaşenkonu telefonla təbrik etdiyini yazır. Söhbət əsnasında liderlər iki ölkənin müttəfiqliyini daha da möhkəmləndirmək və bütün sahələrdə qarşılıqlı faydalı əməkdaşlığı genişləndirmək niyyətlərini təsdiq ediblər.
Patriarx Kirill Belarus sakinlərinin Lukaşenko tərəfdarı olmasını arzulayıb.
Çeçenistanın lideri Ramzan Kadırov uzun illərdir "uğurlu və müdrik siyasət” yürüdən Lukaşenkoya böyük hörmət etdiyini bildirib.
Aleksandr Lukaşenkonun mətbuat xidməti onu ad günü münasibətilə təbrik edən xarici liderlərin və məşhur insanların siyahısını da yayımlayıb. Bəzi təbriklərin telefonla, bəzilərinin teleqramlarla elan edildiyi bildirilir.
Qazaxıstan Prezidenti Kassım-Jomart Tokayev
Tacikistan Prezidenti Emoməli Rəhmon
Çin Xalq Respublikasının sədri Si Szinpin
Venesuela Prezidenti Nikolas Maduro
Azərbaycan Prezidenti İlham Əliyev
Özbəkistan Prezidenti Şavkat Mirziyoyev
Türkmənistan Prezidenti Qurbanqulu Berdiməhəmmədov
Misir Prezidenti Əbdülfəttah əs-Sisi
Qazaxıstanın birinci prezidenti Nursultan Nazarbayev
Rusiya Federasiya Şurasının sədri Valentina Matvienko
Kommunist Partiyasının lideri Gennadi Züqanov
İdmançı Alina Kabaeva
Rusiya Baş naziri Mixail Mişustin
MDB İcra katibi Sergey Lebedev
Rusiya Dövlət Dumasının sədri Viaçeslav Volodin
"Ədalətli Rusiya" partiyasının sədri Sergey Mironov
Tatarıstan Prezidenti Rüstəm Minnixanov
Rəssam Nikas Safronov
Aleksandr Lukaşenko Belarus təhlükəsizlik qüvvələri tərəfindən də təbrik edilib.
Daxili İşlər Nazirliyinin daxili qoşunlarından onlarla əsgər parad meydanında elə düzülüb ki, yuxarıdan baxanda "Batya, təbrik edirik!” yazısı görünüb. İki əsgərin Belarusun dövlət bayrağını necə tutduğunu da görmək olar.
Daxili İşlər Nazirliyinin əməkdaşları isə xidməti maşınlardan "Ad gününüz mübarək, ura!!!” ifadəsini düzəldiblər.
Nida işarələrindəki nöqtələr xidməti motosikllərdən istifadə edilərək hazırlanıb. Daha təsirli olmaq üçün bütün avtomobillərə yanıb-sönən işıqlar daxil edilib.
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər