Mərkəzi Bankının valyuta ehtiyatları 5 milyard dolları keçib

Azərbaycan Mərkəzi Bankının (AMB) sərəncamında olan rəsmi valyuta ehtiyatların həcmi açıqlanıb.

AMB-dən “Qaynarinfo”ya verilən məlumata görə, Mərkəzi Bankın valyuta ehtiyatları 2017-ci il iyul ayının 31-nə 5 mlrd. 33,1 mln. ABŞ dolları təşkil edib ki, bu da ötən ilin müvafiq dövrü ilə müqayisədə 840,2 mln. dollar və ya 20,90% çoxdur.

İyul ayı ərzində isə AMB-nin valyuta ehtiyatları 69 mln. dollar və ya 1,39% artıb.

Cari ilin əvvəlindən artım 1 mlrd. 58,7 mln. dollar və ya 26,64% olub.

Qaynarinfo.Az