İdman 15:32 25.01.2022

Məşhur basketbolçu özünü bilərəkdən koronavirusa yoluxdurdu

Belçikalı keçmiş peşəkar basketbolçu Peter Loridon, peyvənd olunmadığı üçün cəzalandırılmaq istəmədiyi səbəbiylə özünü bilərəkdən koronavirusa yoluxdurduğunu açıqlayıb.

Qaynarinfo xəbər verir ki, idmançı əvvəlcə sosial media hesabında sorğu keçirərək, izləyicilərindən "peyvənd olunmamış və sağlam insanların” "Omikron" variantını bilərəkdən özlərini yoluxdurmaq seçiminə sahib olub-olmadığını soruşub. Daha sonra Loridon koronavirus xəstəsi olan bir adamın tüpürcəyini burnuna soxaraq özünü yoluxdurması ilə bağlı paylaşım edib.

Loridon bunu COVİD-19 sertifikatı almaq üçün etdiyini bildirib. COVİD-19 sertifikatı xəstəlikdən sağ çıxmış, peyvənd olunmuş və ya yoluxub daha sonra testi neqativ olan insanlara verilir.

Belçika səlahiyyətliləri Loridonun etdiklərinə reaksiya verib. Ölkənin Flaman bölgəsinin Səhiyyə Naziri Vouter Beke Loridona zəng edərək, bunun, tibb işçilərinə hörmətsizlik olduğunu deyib.

Belçika hökumətinin COVİD-19 siyasətləri ilə bağlı məsləhətlər verən virusoloq Mark Van Ranstın məsələyə reaksiyası isə belə olub: "Başqalarının tüpürcəklərindən istifadə etmək? Neçə vaxtdır ki, belə şeylər edirik? Üstəlik, ona naməlum miqdarda virus daxil olub. Bir çox insan bundan sonra dünyasını dəyişib. Belə hadisəni bir neçə gün əvvəl də gördük." mesajınızı paylaşdı.

Van Ranstın xatırlatdığı hadisə Çexiyada baş verib. Sözügedən ölkədə qəsdən COVİD-19-a tutulan və bəzi məhdudiyyətlərdən azad olmağa çalışan, peyvəndə qarşı olan 57 yaşlı müğənni Hana Horka vəfat edib.

Səbuhi Həsənov