III Caspian Cup beynəlxalq turnirində qrup mərhələsinin sonuncu oyunları keçirilib
Bakıda təşkil olunan III Caspian Cup beynəlxalq turnirində qrup mərhələsinin sonuncu oyunları keçirilib. Apasport.az saytının məlumatına görə, yarışın üçüncü günündə 4 qarşılaşma baş tutub.
Turnirin açılış günündə Qırğızıstan millisini darmadağın edən Azərbaycan millisi bu dəfə ABŞ-la qarşılaşıb. Hesabı amerikalılar açsalar da, komandamız 2 qol vuraraq, əzmkar qələbə qazanıb. Bununla, qrupun lideri olan yığmamız növbəti matçını iyunun 3-də Gürcüstana qarşı keçirəcək.
Qeyd edək ki, 2011-ci ildə Türkiyə, ötən il isə Gürcüstan yarışın qalibi adını qazanıb.
D qrupu
Yaponiya – Uruqvay - 2:1
C qrupu
Özbəkistan - Türkiyə - 0:3
B qrupu
Gürcüstan - Bolqarıstan - 2:0
A qrupu
Azərbaycan - ABŞ - 2:1
Şərhlər