"Neftçi" və "Qəbələ" 1 xala razılaşdı (VİDEO)

Bu gün Topaz Premyer Liqasında XXII tura yekun vurulub.

 

Qaynarinfo xəbər verir ki, iki qarşılaşma baş tutub. Hər iki qarşılaşmalarda avrokuboklara mübarizə uğrunda yarışan komandalar qarşılaşıb.

Əvvəlcə 7 oyundu qələbə qazanmayan "Zirə” "Qəbələ”ni qəbul edib. İstefası gündəmdə olan Ayxan Abbasovun yetirmələri 2018-ci ildə ilk qələbə ilə 3-cü sıranı qaytarmaq, Roman Qriqorçukun komandası isə ardıcıl iki heç-heçədən sonra 3 xal qazanmaq arzusunda idi. 90 dəqiqə ərzidə iki qol vurulub və komandalar meydanı bir xalla tərk edib. Beləliklə, "Zirə"nin qələbə həsrəti 8 oyuna çatıb, "Qəbələ" ardıcıl 3-cü matçda meydanı "sülh"lə tərk edib.

Həftənin son matçında "Neftçi” və "Sumqayıt” üz-üzə gəlib. Məğlubiyyətsiz irəliləyən rəqiblər durumlarını yaxşılaşdırmaq üçün qalib gəlməli idi. 5 turdu uduzmayan Tərlan Əhmədovun yetirmələri sonuncu dəfə məhz "Sumqayıt”a yenilmişdi. Samir Abasovun komandası isə 2018-ci ilin ən yaxşısıdı və 9 oyundu məğlub olmurdu. Bu oyunda da qalib müəyyənləşməyib - 2:2. Beləliklə, "Neftçi" məğlubiyyətsiz oyunlar seriyasını 6-ya, "Sumqayıt" 10-a çatdırıb.

Qeyd edək ki, turun iki oyunu dünən keçirilib. "Qarabağ" "Səbail"ə qalib gəlib (1:0), "Kəpəz" - "Keşlə" matçında qalib müəyyənləşməyib (1:1). 

Qollar: Milan Duriç, 53-pen - Stiven Monroz, 78.

Qollar: Mirabdulla Abbasov, 45. Namiq Ələsgərov, 63 - Rəşad Eyubov, 41. Cavid İmamverdiyev, 79.

 

№	Klub		O	Q	H/H	M	T/F	X
1	Qarabağ		22	16	5	1	32:8	53
2	Qəbələ		22	12	5	5	36:22	41
3	Sumqayıt		22	10	6	6	29:24	36
4	Zirə		22	9	8	5	29:21	35
5	Neftçi		22	9	4	9	28:24	31
6	Səbail		22	5	3	14	14:31	18
7	Keşlə		22	4	6	12	19:34	18
8	Kəpəz		22	3	3	16	14:37	12
Bombardirlər		Baqali Dabo (Qəbələ) - 12.