Prezidentin qızı məşhurlarla bir arada (FOTO/VİDEO)
Bu gün "Həyat Fondu”nun yaranmasından bir il ötür.
Qaynarinfo qafqazinfo-ya istinadən xəbər verir ki, bu münasibətlə "Buta Palace”də təntənəli tədbir təşkil olunub.
Tədbirə ictimai-siyasi xadimlər, incəsənət nümayəndələri, idmançılar, şirkət rəhbərləri qatılıb.
"Yardım et, həyat ver” devizi ilə fəaliyyət göstərən Fondun əsas qonağı Heydər Əliyev Fondunun vitse-prezidenti Leyla Əliyeva olub.
Məclis Azərbaycan dövlət himni ilə başlayıb, "Həyat Fondu”nun fəaliyyəti bağlı hesabat xarakterli videoçarx yayımlanıb.
Tədbirin aparıcıları Nərgiz Cəlilova, Nəsib Nur və Kəmalə Piriyeva olub. Səhnədə Azərbaycan xalq artistləri Fidan və Xumaran Qasımovalar sözləri Leyla Əliyevaya məxsus "Ürək yaddaşı” mahnısını səsləndiriblər.
Bundan əlavə, ad günündə müxtəlif uşaq evlərinin sakinləri, fiziki qüsurlu yeniyetmələr və gənclərin hazırladığı əl işləri xeyriyyə məqsədi ilə satışa çıxarılıb.
Həmçinin, "Həyat Fondu”nun təsisçisi Hacı Nuran Hüseynov xeyriyyə işlərində ona dəstək olan hər kəsə təşəkkürünü bildirib.
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər