"Qarabağ" 3 xalı tək qolla qazandı (VİDEO)

Bu gün Topaz Premyer Liqasında XXIII tura start verilib.

 

Qaynarinfo xəbər verir ki, ilk günündə yalnız bir qarşılaşma keçirilib.

Günün yeganə matçı Gəncədə baş tutub. Çempionatın lideri "Qarabağ” səfərdə "Kəpəz”lə görüşüb. Son 14 matçda uduzmayan Qurban Qurbanovun yetirmələri ardıcıl 5-ci çempionluğa gedən yolda növbəti qələbəsini qazanaraq məğlubiyyətsizlik seriyasını 15-ə çatdırıb. Cari mövsüm rəqibinə xal verməyən "Qarabağ” bu dəfə 1:0 hesablı qələbəyə sevinib. Bununla da "Kəpəz"in qələbəsiz oyunlar seriyası 5 oyuna çatıb. Gəncə klubu ardıcılı 7-ci matçda uduzduğu "Qarabağ"a artıq 24 oyundu qalib gələbilmir.

Qeyd edək ki, sabah "Sumqayıt” "Keşlə”ni, "Zirə” "Neftçi”ni, "Qəbələ” "Səbail”lə qarşılaşacaq.

 

 

№	Klub		O	Q	H/H	M	T/F	X
1	Qarabağ		23	17	5	1	33:8	56
2	Qəbələ		22	12	5	5	36:22	41
3	Sumqayıt		22	10	6	6	29:24	36
4	Zirə		22	9	8	5	29:21	35
5	Neftçi		22	9	4	9	28:24	31
6	Səbail		22	5	3	14	14:31	18
7	Keşlə		22	4	6	12	19:34	18
8	Kəpəz		23	3	3	17	14:38	12
Bombardirlər		Baqali Dabo (Qəbələ) - 12.