Qida Təhlükəsizliyi Agentliyi də əhaliyə müraciət etdi

AQTA-nın mətbuat xidmətindən Qaynarinfo-ya verilən məlumata görə, xəbərdarlıqda deyilir: "Ümumdünya Heyvan Sağlamlığı Təşkilatı tərəfindən Rusiya Federasiyasının Primorsk vilayətinin Mixaylovski rayonunda dabaq xəstəliyi qeydə alınıb. Bununla əlaqədar olaraq, Rusiya Federasiyasının Primorsk vilayətindən heyvan və heyvan mənşəli məhsulların idxalına müvəqqəti məhdudiyyət qoyulması qərara alınıb”.

Xəbərdarlıqda qeyd olunur ki, nəzarət tədbirlərinin gücləndirilməsi üçün agentlik tərəfindən Primorsk vilayətindən gələn və ya həmin ərazidən tranzit keçən nəqliyyat vasitələrinin gömrük keçid məntəqələrində dezinfeksiya edilməsi ilə əlaqədar Dövlət Gömrük Komitəsinə aidiyyətı üzrə müraciət olunub.