Rusiya hökuməti öz “TikTok”larını yaratmağa qərar verdi

Rusiya səlahiyyətliləri öz TikTok-larını yaratmağa qərar verib. Təhsil Nazirliyi bunun üzərində işləyir.

Qaynarinfo xəbər verir ki, nazir Sergey Kravtsovun sözlərinə görə, Təhsil Nazirliyi indi məktəblilər üçün TikTok-a bənzər bir sosial şəbəkə üzərində işləyir. "Biz məktəblilər üçün öz TikTok-umuzu hazırlayırıq", - TASS Kravtsovdan sitat gətirib. Kratsov həmçinin Nazirliyin yerli videokonfrans sistemi üzərində "işlədiyini” də xatırladıb.

Xatırladaq ki, TikTok Pekində yerləşən ByteDance şirkətinə məxsus qısa mobil kliplərin yaradılması və yayılması üçün bir mənbədir. Beynəlxalq versiyası 2018-ci ilin yayında istifadəyə verilib. Dünyada bir milyarddan çox TikTok istifadəçisi var. Eyni zamanda, keçən yay ABŞ Prezidenti Donald Tramp TikTok tətbiqetməsinin amerikalıların məlumatlarını Çinə ötürə bilməkdə günahlandırıb.

Avqust ayında Tramp "TikTok Təhdidinə Qarşı Mübarizə haqqında" fərman imzalayıb, bununla da Amerika yurisdiksiyalarında ByteDance ilə hər hansı bir əməliyyata xitam verməsi üçün bir ay vaxt verilib və tətbiqin Amerika şirkətlərinə satılmasını istəyib. Sonra "Oracle”ın ABŞ-da təklif olunan hökumət TikTok sazişində etibarlı bir texnologiya təminatçısı kimi çıxış edəcəyi məlum olub. Tramp TikTok-un Oracle və Walmart tərəfindən satın alınmasını müvəqqəti olaraq təsdiqləyib. Əməliyyatı tamamlamaq üçün yalnız amerikalıdan deyil, Çin səlahiyyətlilərindən də təsdiq tələb olunur. ABŞ-ın Vaşinqtondakı Bölgə Məhkəməsi 28 sentyabrda Trampın ABŞ-da Çinin TikTok tətbiqinin yüklənməsini qadağan edən fərmanının müvəqqəti olaraq dayandırılmasına qərar verib.

Alpər