Rusiya və Çin BMT TŞ-nin Suriyaya yardımla bağlı qətnaməsinə veto qoydu

Qaynarinfo xəbər verir ki, sənədi Almaniya və Belçika təqdim edib.

Qeyd edək ki, layihə Türkiyə ilə sərhədi keçən təxminən 3 milyon suriyalıya humanitar yardım çatdırılması mexanizminin genişləndirilməsini nəzərdə tutur. Sənədə görə, humanitar yardım Suriyaya iki keçid məntəqəsi – Onçupınar və Türkiyə-Suriya sərhədindəki Cilvəligöz vasitəsilə daxil olmalıdır, - bu haqda "Anadolu” məlumat verib. BMT nümayəndələri nəzarət-buraxılış məntəqələrinin birindən fəal şəkildə istifadə edə bilərlər və mövcud mexanizmin müddətini daha bir il uzatmağın tərəfdarıdırlar.

Xatırladaq ki, 2014-cü ildən bəri Suriyaya humanitar yardım tədarükü edilən BMT Təhlükəsizlik Şurasının qətnaməsinin qüvvədə olması iyulun 10-da başa çatır.