Sabiq deputatdan Astan Şahverdiyevə ağır sözlər (FOTO)

DİN-in “Gelandewagen”lə törədilən qəza ilə bağlı açıqlamasına rəğmən, millət vəkili Astan Şahverdiyevin “Nail Allahverdiyev hadisə zamanı evdə olub” sözləri sosial mediada ciddi müzakirə mövzusuna çevrilib.

"Qaynarinfo"xəbər verir ki, keçmiş millət vəkili Etibar Hüseynov Şahverdiyevə sərt sözlər ünvanlayıb. 

Sabiq millət vəkilinin statusunu olduğu kimi təqdim edirik: 

"Deməli, iki nəfər heç bir günahı olmayan insan ölüb, ikisi ağır yaralıdır (həkimlərin rəyinə görə, ən yaxşı halda ömürlük əlil qalacaq), DİN açıqlama yayıb, sükan arxasında Nail Allahverdiyevin olduğunu təsdiq edib; Astan Şahverdiyev də deyir ki, bəs Nail evdə olub, şahidlər var, onun hadisəyə heç bir aidiyyatı yoxdur. Simasızlığın, şərəfsizliyin, yaltaqlığın da sərhədi itib”.

Qaynarinfo.Az