Şəmkirdə ağır qəza: Ölənlər var + YENİLƏNİB

Qaynar.info-nun apa-ya istinadən verdiyi məlumata görə, ölənlərin kimliyi məlum olub.

Bu gün Şəmkirdə baş vermiş ağır qəza nəticəsində ölənlərin  kimliyi məlum olub.

Bu, VAZ 2106 minik avtomobilinin sürücüsü, 1969-cu il təvəllüdlü Mürvət Məmmədov və sərnişin, 1971-ci il təvəllüdlü Rafiq Verdiyevdir.

Onların hər ikisinin Şəmkir sakini olduğu bildirilir. 

***

*   *   *   *

Bakı-Qazax magistral yolunda ölümlə nəticələnən ağır yol nəqliyyat qəzası baş verib.

Hadisə yolun Şəmkir rayonu Könüllü kəndi ərazisindən keçən hissəsində qeydə alınıb. "Mercedes" markalı yük avtomobili ilə VAZ 2106 minik avtomobilinin toqquşması nəticəsində iki nəfər ölüb. Ehtimal olunur ki, ölənlər minik avtomobilinin sürücüsü və sərnişinidir. 

Faktla bağlı Baş Dövlət Yol Polisi İdarəsində araşdırma aparılır. (apa)

Qaynar.info