Tarakanların işğal mövsümü yaxınlaşır: Ekspertdən məsləhətlər

Qaynarinfo xəbər verir ki, Rospotrebnadzor-un eksperti tarakanların fəaliyyətinin növbəti aktivlik zirvəsinin fevral ayında olacağını, daha sonra yayda bu həşəratların istilasının gözlənildiyini bildirib. Mütəxəssis tarakanların insektisidlərə, xüsusən dezinfeksiya xidmətləri tərəfindən istifadə edilən piretroidə qarşı müqavimət qazandığını xatırladıb. Artıq bu vasitələr tarakanlara təsir edə bilmir.

Perm Regional Dezinfeksiya Mərkəzinin direktor müavini İqor Maltsev 59.RU-ya bildirib ki, ümumiyyətlə, tarakanlar çoxaldıqları zirzəmilərdən mənzillərə kanalizasiya və ya ventilyasiya yolu ilə daxil olurlar.

Evdəki böcəklərin çoxalmasının qarşısını almaq üçün ilk növbədə onların suya girişlərini əngəlləməlisiniz. "Su olmadan tarakanlar bir həftədən çox yaşaya biliurlər, - ekspert izah edib. - Hər şeyi quru olana kimi silinməlidir”. Çirkli qablar dərhal yuyulmalı, qida qalıqları saxlanmamalıdır.

Havalandırma boşluqları cuna və ya havanın keçməsinə mane olmayan, lakin tarakanların mənzilə girməsinə imkan verməyən kiçik məsaməli hansısa başqa "tıxac"larla qapadılmalıdır.

Bundan əvvəl klinik farmakoloq Andrey Kondraxin tarakanların "hər yerdə gəzərək, pəncə və dəriləri üzərində çoxlu mikroorqanizm daşıdığını" və dizenteriya, salmonellyoz, bakterial sətəlcəm, mantar infeksiyası və hətta meningitə səbəb ola biləcəyini deyib. Bundan əlavə, mütəxəssisə görə, böcəklər insan qulağına da girə bilərlər.