Təbrizdən Azərbaycana daha bir dəstək-onminlərlə azarkeş "Azərbaycan- Qarabağ" dedi (VİDEO/ FOTOLAR)
Fevralın 15-də Təbrizin "Traktor" klubu ilə Tehranın "İstiqlal" komandası üz-üzə gəlib.
Gərgin keçən oyun təbrizlilərin 1:0 hesablı qələbəsi ilə başa çatıb.
Musavat.com xəbər verir ki, "Traktor-İstiqlal" oyunundan sonra təbrizli azarkeşlər stadiondan çıxarkın şüarlar səsləndiriblər.
Onminlərlə azarkeş bir ağızdan "Azərbaycan var olsun, istəməyən kor olsun", şüarı ilə yürüş ediblər.
Həmin görüntülər sosial şəbəkələrdə yayılıb və böyük ruh yüksəkliyi ilə qarşılanıb.
Oyunu izləyənlər arasında jurnalist Kamal Almuradlı da olub. O, həmin anları görüntüyə alaraq, özünün feysbuk səhifəsində paylaşıb.
K. Almuradlı musavat.com-a bildirib ki, onminlərlə insan oyundan sonra Azərbaycana dəstək nümayiş etdirib: "Möhtəşəm mənzərə idi. 100 minə yaxın insan Azərbaycana dəstək şüarları səsləndirdilər".
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər