Dünya 10:43 01.06.2020

ABŞ-ın 40 şəhərində komendant saatı tətbiq edildi (YENİLƏNİB)

ABŞ-da afroamerikalı Corc Floydun ölümü ilə əlaqədar davam edən etirazlardan sonra komendant saatının tətbiq edildiyi şəhərlərin sayı qırxa çatıb.

Qaynarinfo xəbər verir ki, bu haqda CN-in yaydığı məlumatda deyilir.

Arizona qubernatorunun fövqəladə vəziyyət rejimi və komendant saatı tətbiq etmək qərarından sonra Kaliforniya, Kolorado, Florida, Corciya, İllinoys, Nyu York, Ohayo, Texas, Vaşinqton və başqaları onun kimi hərəkət edib.

Öz növbəsində, ABŞ Prezidenti Donald Tramp bölgə rəhbərlərini iğtişaşlara daha qətiyyətlə reaksiya verməyə və Milli Qvardiyanı sabitliyi bərpa etməyə çağırıb.

09.51

ABŞ-ın ərazi və əhali sayına görə ikinci ən böyük ştatı olan Texasda qaradərili Corc Floydun öldüülməsindən sonra başlayan aksiyalar zamanı şiddət və soyğunların artması səbəbindən fövqəladə vəziyyət elan edilib.

Qaynarinfo xarici mətbuata istinadən xəbər verir ki, bu barədə Texas qubernatoru Qreq Abbott məlumat verib. O, bildirib ki, bütün texaslılar və amerikalılar etiraz etmək hüququna saibdir. Ancaq başqalarına qarşı şiddət tətbiq etmək və mülkə zərər vurmaq yolverilməzdir:

"Ştatda başlayan aksiyalar şiddət hadisələrinə çevrilib. Dövlət təhlükəsizliyini qorumalı və mülkə vurulan zərərlərin qarşısını almalıyıq. Bu səbəbdən federal agentlərə Texas Sülh Gücü olaraq xidmət etmək və insanların təhlükəsizliyini təmin etmək səlahiyyəti verirəm. Dinc şəkildə etiraz edənlər səslərini çatdırmağa davam edə bilər".

Camal