Türkiyədə yenidən güclü zəlzələ oldu (VİDEO)

Türkiyədə yenidən güclü zəlzələ oldu (VİDEO)

Türkiyədə yenidən güclü zəlzələ olub.

Qaynarinfo xəbər verir ki, bu dəfə yerli təkan Manisada qeydə alınıb. Kandilli Rəsətxanasının məlumatına görə, yerli vaxtla 14:26-da baş verən zəlzələ 5.1 bal gücündə olub. Yeraltı təkanların episentri Manisanın Kırkagac rayonunda 9.1 km dərinlikdə yerləşib. Zəlzələ İstanbul, İzmir və Bursa kimi şəhərlərdə də hiss olunub. 
 
Təbii fəlakət nəticəsində 6 gün əvvəlki zəlzələdə zərər görən və boşaldılan bir bina uçub, 2 binaya isə ciddi zərər dəyib. Manisa Valiliyi ölən və ya yaralananların olmadığını açıqlayıb.

Qeyd edək ki, yanvarın 24-də yerli vaxtla saat 20:55-də Türkiyənin Elazığ vilayətinin Sivricə rayonunda 6,8 bal gücündə zəlzələ olub. Yeraltı təkan dağıntılara səbəb olub, 41 nəfər ölüb, 1607 nəfər xəsarət alıb.

XƏBƏRLƏR
BLOGLAR