Vergi ombudsmanının görəcəyi işlər məlum oldu (VİDEO)

Xezerxeber.az-ın məlumatına görə, indiyədək vergi ödəyiciləri ilə nazirlik əməkdaşları arasında hansısa mübahisə yarananda məsələ əksər hallarda məhkəməyə müraciətlə yekunlaşırdı. Bu da sahibkarın vaxt itirməsinə səbəb olurdu. Əlavə xərclərin olması da vergi ödəyicilərinin işini çətinləşdirirdi. Yaradılacaq vergi ombudsmanı mübahisəli məsələlərin məhkəməyə getmədən həllinə yardımçı olacaq.

Vergi ombudsmanının əsas vəzifəsi vergi ödəyicilərinin hüquqlarının daha etibarli qorunmasını təmin etmək, onların şikayət və müraciətlərinin məhkəmə müstəvisinə çıxmadan həllinə nail olmaq, vergi administrasiyaları ilə münasibətlərin qarşılıqlı əməkdaşlıq formatında tənzimlənməsinə kömək göstərməkdir.

İqtisadçı ekspert Vüqar Bayramov deyir ki, vergi ombdusmanının çıxardığı qərar dünya təcrübəsində olduğu kimi tövsiyə xarakterli olacaq.

Müstəqil qurum kimi fəaliyyət göstərəcəyi gözlənilən vergi ombudsmanı vergi ödəyicilərinin intizamının güclənməsi və vergiləri vaxtinda və tam şəkildə ödəməsi baxımından da böyük rol oynayacaq. Vergi ombudsmanı sahibkarla dövlət qurumları arasında körpü rolunu oynayacaq.

Hazirda vergi ombudsmanı institutunun formalasdırılması, onun funksiya və səlahiyyətləri, habelə fəaliyyət mexanizmi ilə bağli is aparılır.