Braziliyada Alveşin heykəlinin götürülməsi tələb olundu (VİDEO)

Qaynarinfo-nun məlumatına görə, Manuella Tayler Medrado adlı tələbə və fəal EFE-yə müsahibəsində bildirib ki, bu heykəlin qalıcı olması qadınların dəyərini və ləyaqətini sual altına qoyur. O, heykəlin Braziliyanın şimal-şərqindəki Bahia əyalətinin daxili hissəsində yerləşən, təxminən 220.000 əhalisi olan Juazeironun bütün qadınlarının qəzəbinə səbəb olduğunu söyləyib. Medrado, "Zorlama mədəniyyətinin normal olmadığı bir cəmiyyət yaratmalıyıq" - sözlərini deyib. 

Bahia dövlət nazirliyi tərəfindən Tayler Medradonun sorğusunu insan hüquqları üzrə əməliyyat dəstəyi mərkəzi vasitəsilə qəbul edildiyi və təhlillər aparılaraq, müvafiq tədbirlərin görülməsi üçün bələdiyyə prokurorluğuna göndərildiyi açıqlanıb.

Ötən il Barselonada gecə klubunda 23 yaşlı qıza qarşı cinsi təcavüzə görə dörd il altı ay həbs cəzasına məhkum edilən Alveş, bir neçə gün öncə bir milyon avroluq girov ödədikdən sonra həbsdən buraxılıb.

Qanun pozuntusu nəticəsində 2020-ci ildə Juazeyronun mərkəzi prospektində açılışı olan heykəl müxtəlif rədd aktlarına məruz qalıb. Braziliya millisinin sabiq futbolçusuna həsr olunmuş əsər keçən ilin sonunda zibil torbası və yapışqan lentlə örtülmüş, fevralda isə ağ boya ilə rənglənmişdi. 8 Mart Beynəlxalq Qadınlar Günündə bir neçə qadın onun ətrafında "zorlama mədəniyyətinə yox”, "bizi öldürməyə son” və "Daniel Alveş təcavüzkarı” kimi şüarlar yazılmış pankartlarla aksiya keçirib.

Juazeiro şəhər şurası, Alveşlə bağlı proses qəti şəkildə yekunlaşana qədər heykələ dair heç bir mövqe tutmayacağını bildirib.