Bu da Rasimi döydüyünə görə saxlanılan oğlanın fotosu

"Qəbələ" klubunun futbolçusu Cavid Hüseynovu tənqid etdiyi üçün jurnalist Rasim Əliyevi döyərək öldürən şəxsin fotosu yayılıb. 

"Qafqazinfo" xəbər verir ki, musavat.com saytının yaydığı fotodakı şəxs Cavid Hüseynovun bibisi oğlu Elşən İsmayılovdur. 1994-cü il iyunun 21-də anadan olan Eləşən mövsümün ikinci yarısını AZAL-ın əvəzedicilərinin heyətində keçirib. 

Avqustun 9-da döyülən jurnalist Rasim Əliyev müalicə aldığı xəstəxanada dünyasını dəyişib. "Qəbələ"nin futbolçusu Cavid Hüseynovun qohumları tərəfindən döyüldüyünü iddia edən jurnalist səhər saatlarında həyatını itirib.

***

Komanda.az-ın məlumatına görə, Elşən İsmayılov hazırda “Qəbələ”nin əvəzedicilərinin heyətindədir. Maraqlıdı ki, “Qəbələ”yə gələndən sonra Elşən İsmayılov bir il “qocalıb". Onun doğum tarixi 1993-cü il kimi göstərilib.

Qaynar.info