“AccessBank” Sahibkarlığın İnkişafı Fonduyla birgə sahibkarlara dəstək olmaqda davam edir

“AccessBank” Sahibkarlığın İnkişafı Fonduyla birgə sahibkarlara dəstək olmaqda davam edir

Mikro və kiçik sahikbarların dəstəkçisi olan "AccessBank”, pandemiya və onun nəticələrindən zərər görmüş bizneslərə yardım etməkdə davam edir.  Bank, kiçik və orta sahibkarlara həm daxili resursları, həm də Sahibkarlığın İnkişafı Fondunun vəsaitləri hesabına yardım edir. Belə ki, "AccessBank” 2021-ci ilin ilk 5 ayı ərzində 88 mikro, kiçik və orta sahibkara ümumilikdə 9 milyon manat vəsait ayırıb. 

Azərbaycan Respublikası Prezidentinin 4 iyun 2020-ci il tarixli Fərmanı ilə Sahibkarlığın İnkişafı Fondunun vəsaiti hesabına güzəştli kreditlərin verilməsi Qaydası təsdiq olunub və eyni zamanda Fondun nizamnaməsində dəyişikliklər edilib. Edilən dəyişikliklər nəticəsində Fondun fəaliyyət istiqamətinə pandemiyada zərər çəkmiş sahibkarlara ölkədəki banklar vasitəsilə subsidiyaların və zəmanətlərin verilməsi mexanizmi əlavə olunub.

"AccessBank”ın İdarə Heyətinin sədri vəzifəsini müvəqqəti icra edən Yevgeniya Qaşikulina Sahibkarlığın İnkişafı Fondu ilə əməkdaşlığı şərh edib:"Yaxşı düşünülmüş məhsul dizaynı və icrasının sadəliyi sayəsində Fondun təklif etdiyi kreditlər sahibkarlar arasında çox məşhurdur. Bu kreditlər üçün dövlət tərəfindən verilən subsidiya müştəriləri aktiv investisiya qoymağa sövq edir. Əminik ki, yaxın gələcəkdə bizneslər bərpa olunduqca innovativ layihələrin maliyyələşdirilməsi üçün müraciətlərin sayı da artacaq. "

"AccessBank” Azərbaycanda mikromaliyyələşdirmə lideri olaraq, 2002-ci ildən kiçik və orta bizneslərə xidmət göstərir. Bankın səhmdarları sırasında Asiya İnkişaf Bankı, Avropa İnvestisiya Bankı, Beynəlxalq Maliyyə Korporasiyası kimi beynəlxalq təşkilat və qurumlar yer alır. Bankın 15-i Bakıda, 13-ü bölgələrdə olmaqla, 28 filialı fəaliyyət göstərir. Bankın xidmətləri haqqında məlumat əldə etmək üçün 151 Əlaqə mərkəzinə zəng etmək, həmçinin www.accessbank.az saytına və ya bankın sosial media hesablarına (Facebook, Instagram, LinkedIn) daxil olmaq olar.
X
XƏBƏRLƏR
BLOGLAR