Almaniyada qəlyanxanada baş verən atışmada ölənlərdən beşi türkdür

Almaniyada qəlyanxanada baş verən atışmada ölənlərdən beşi türkdür

Fevralın 20-də Almaniyanın Hanau bölgəsində atışma nəticəsində ən azı 5 Türkiyə vətəndaşı ölüb. 

Qaynarinfo NTV kanalına istinadən xəbər verir ki, bunu ölkənin Almaniyadakı səfiri Əli Kamal Aydın açıqlayıb.

Cümə axşamı gecə, naməlum şəxs Hanauda bir bukmeykerə və iki qəlyanxaya atəş açıb. Nəticədə doqquz nəfər ölüb, iki yaralınınsa vəziyyəti ağırdır. Hadisənin istintaqını Almaniya Baş Prokurorluğu aparır.

Hüquq-mühafizə orqanları nəzarət kameralarının və şahidlərin hesablarının köməyi ilə hadisəni törədən şəxsi müəyyənləşdiriblər. Onun 43 yaşlı Almaniya vətəndaşı olduğu ortaya çıxıb. Mənzilində axtarış apararkən iki cəsəd tapılıb – özü və 72 yaşlı anası. Onun atəş açdığı silahlar da tapılıb. 
Mediada yayılan məlumatlara görə, təcavüzkar hərəkətlərini izah edən bir video qeyd edib və hadisəylə bağlı etiraf məktubu yazıb.

Almaniya prezidenti Frank-Valter Ştaynmayer Hanauda baş verən hadisəni terror aktı adlandırıb. Atışma qurbanlarına başsağlığı verib və yaralananların tezliklə sağalmasını arzulayıb.

Alpər
  • Tərəfdaşların xəbərləri
XƏBƏRLƏR
BLOGLAR