Daha üç xarici kanal “Azerspace-1”lə yayıma başladı

Daha üç xarici kanal “Azerspace-1”lə yayıma başladı

"Azərkosmos” və Qırğızıstanın "Ayan TV” və "Super TV” kanalları arasında kommersiya müqaviləsi imzalanıb.

"Azərkosmos”dan Qaynarinfo-ya bildirilib ki, müqaviləyə əsasən, bu gündən etibarən "Ayan TV” və "Super TV” kanalları Mərkəzi Asiya ölkələrində "Azerspace-1” peyki vasitəsilə yayımlanır.

Sözügedən kanallarda rus və qırğız dillərində Qırğızıstanın siyasi, sosial, iqtisadi və mədəniyyət proqramları nümayiş olunur.

"Ayan TV” və "Super TV” kanallarının yayım tezliyi: 11104/V/13000

Həmçinin Türkiyənin Avropada yayımlanan və çoxsaylı izləyiciləri olan "Euro 90 TV” kanalı "Azerspace-1” peykinin Avropa şüası üzərindən yayıma başlayıb. "Euro 90 TV” kanalında türk və ingilis dillərində Avropada, o cümlədən dünyada baş verən yeniliklər, sağlamlıq, əyləncə və siyasi mövzular barədə proqramlar yayımlanır.
  • Tərəfdaşların xəbərləri
XƏBƏRLƏR
BLOGLAR