Dəm qazından zəhərlənmə zamanı ilk yardım - Nələr etməli?

Dəm qazından zəhərlənmə zamanı ilk yardım - Nələr etməli?

Son günlərdə dəm qazından zəhərlənmə xəbərlərinə tez-tez rast gəlirik. Bu, bəzən ölümlə də nəticələnir.

Dəm qazından zəhərlənənlər bəzən nə etmək lazım gəldiyini bilmirlər. 

Məsələ burasındadır ki, bu halla üzləşən şəxsin huşu özündə deyilsə, dərhal onu qapalı mühitdən çıxarmaq, arxası üstə uzadıb yaxasını açmaq, mümkünsə nəfəs yollarını açmaq üçün ağız boşluğundakı seliyi təmizləmək, başına və sinəsinə soyuq islatma qoymaq, burnuna naşatır spirtində isladılmış pambıq yaxınlaşdırmaq, zərərçəkənin tənəffüsü dayanıbsa, ona mütləq süni nəfəs vermək və mütləq təcili tibbi yardıma xəbər etmək lazımdır.

Əgər dəm qazından zəhərlənmiş xəstənin huşu özündədirsə, onu təmiz havaya çıxarmaq vacibdir. Onun huşunun özündə olub-olmadığını müəyyənləşdirmək üçün sadə sullar da vermək olar.

Zəhərlənmə nəticəsində bədən temperaturu düşdüyü üçün xəstənin üstünü örtmək, ona isti içki vermək, sonra mütləq tibb mütəxəssisinə müraciət edilməlidir. 

Dəm qazı ilə zəhərlənmənin əlamətləri:

- başgicəllənmə
- başağrısı
- ürəkbulanma
- qulaqlarda küy
- qusma
- yuxululuq
- bəzən oyanıqlıq
- müvazinətin itməsi
- sayıqlama
- hallüsinasiyalar
- qıcolma tutmaları
- koma
 
(Qafqazinfo)
XƏBƏRLƏR
BLOGLAR
X