İmtahanların nəticələri nə vaxt açıqlanacaq?

Tələbə Qəbulu üzrə Dövlət Komissiyasının (TQDK) mətbuat xidmətindən APA-ya verilən xəbərə görə, hazırkı müsabiqə şərtləri belədir: “Abituriyentlərin nəzərinə çatdırırıq ki, ixtisas seçiminə ümumi balı 250-dən, hər hansı bir imtahan fənni istisna olmaqla qalan dörd imtahan fənninin hər biri üzrə ayrılıqda topladığı nisbi balı 10-dan az olmayanların buraxılması nəzərdə tutulur. Ümumi balı 350 və daha çox olan abituriyentlərin ixtisas seçiminə buraxılmaları üçün onların fənlər üzrə cavablarına nisbi bal məhdudiyyəti tətbiq olunmur. Bu müsabiqə şərtlərinə hər hansı dəyişiklik imtahan nəticələri bəlli olduqdan sonra edilə bilər”.