Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Naxçıvanda "İnstagram" vasitəsilə telefon dələduzluğu
Naxçıvanda sosial şəbəkədə yerləşdirilən elanlar əsasında mobil telefon və digər əşyaları əldə edərək ödənişləri gecikdirməkdə ittiham olunan şəxs barəsində cinayət işi üzrə məhkəmə prosesi başa çatıb.
Qaynarinfo xəbər verir ki, iş materiallarına əsasən, təqsirləndirilən şəxs 2025-ci ilin may ayından 2026-cı ilədək "Instagram” sosial şəbəkəsində yerləşdirilən elanlar vasitəsilə müxtəlif şəxslərlə əlaqə saxlayıb. O, mobil telefonları və digər əşyaları almaq barədə razılığa gəlib, ödənişi daha sonra həyata keçirəcəyini bildirib, lakin bəzi hallarda malların pulunu tam ödəməyib.
İddia olunur ki, o, əvvəlcə 1 500 manat dəyərində "iPhone 14 Pro Max” markalı telefonu əldə edib. Daha sonra 2 000 manatlıq "iPhone 16 Pro Max”, ümumilikdə 2 100 manat dəyərində "iPhone 13” və "iPhone 15” markalı telefonlar, eləcə də digər mobil cihazlarla bağlı oxşar hadisələr baş verib.
Bundan başqa, təqsirləndirilən şəxsin 1 100 manat dəyərində "iPhone 15 Pro”, 700 manat dəyərində "iPhone 13” markalı telefon və 600 manat dəyərində elektrikli dönər aparatını da eyni üsulla əldə etdiyi bildirilib.
Zərərçəkmiş şəxslər məhkəmədə bildiriblər ki, təqsirləndirilən şəxs aldıqları əşyaların pulunu qısa müddətdə ödəyəcəyini deyib, lakin vədlərinə əməl etməyib. Bəzi zərərçəkmişlər hüquq-mühafizə orqanlarına müraciət etdikdən sonra pullarını geri aldıqlarını qeyd ediblər.
Müttəhim məhkəmə iclasında ittihamı qəbul edib. O, dəymiş ziyanın ödənildiyini bildirib.
Məhkəmə onu Cinayət Məcəlləsinin 178.2.2-ci maddəsi (təkrar törədilən dələduzluq) ilə təqsirli bilib. Ona 2 il müddətinə azadlığın məhdudlaşdırılması cəzası təyin edilib.
Təqsirləndirilən şəxsin əvvəl həbsdə saxlanıldığı 2 gün müddət təyin edilmiş cəzadan çıxılıb və onun üzərində qəti olaraq 1 il 11 ay 26 gün müddətinə azadlığın məhdudlaşdırılması cəzası saxlanılıb.
Aydın
Oxşar xəbərlər
Fariz Əmirov direktor müavini təyin edildi
Ölkə
30.07.2026
Türkiyədən 10 tələbə Azərbaycana gəldi
Ölkə
30.07.2026
İyulun son gününün havası açıqlandı
Ölkə
30.07.2026
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər