2018-ci ildə pensiyalarda artımın hansı mexanizm üzrə aparılacağı açıqlanıb.
Qaynarinfo "Xəzər TV"yə istinadən xəbər verir ki, əmək və əhalinin sosial müdafiəsi naziri Səlim Müslümov bildirib ki, ilk olaraq 2017-ci il üçün əməkhaqqının artım tempi hesablanacaq.
Səlim Müslümovun sözlərinə görə, pensiya artımı bəzi kateqoriyadan olan insanlara şamil edilməyəcək.
Məlumdur ki, gələn ilin yanvar ayının 1-dən etibarən işsizlikdən sığorta haqqında qanun tətbiq ediləcək. Qanuna əsasən, növbəti ildən işsiz insanlar sığorta ödənişləri əldə edə biləcəklər. Bunun üçün bəzi tələblər nəzərdə tutulub.
Bu arada Əmək və Əhalinin Sosial Müdafiəsi Nazirliyi BMT-nin İnkişaf Proqramı və Beynəlxalq Əmək Təşkilatı arasında niyyət məktubu imzalanıb. Məktubda Azərbaycanda özünəməşğulluq proqramının həyata keçirilməsi, milli məşğulluq strategiyasının icra edilməsi kimi məsələlər əks edilib.
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər