Rəşad Sadıqov: “Doğma qardaşım da olsa, ona millidə yer olmayacaq”

- Maraqlı toplanış alındı. Çoxsaylı yeni futbolçular var idi. İmkan dərəcədə hər birinə yığma formasını geyinməyə şans verdik. Düşünürəm ki, bu, bəzi futbolçuların haqları idi. Heyətdə rotasiyalar etdik, debüt edənlər oldu. Futbolçularla söhbətimiz, taktiki məşqlərimiz reallaşdı. Toplanışı qənaətbəxş hesab edirəm. Məndən asılı olsa, onlarla daha uzun müddət olmaq istərdim. Təəssüf ki, buna imkanımız yoxdur. Yığma klubdan fərqlənir. Bəzi şeylərin yaxşı alınması üçün təkrarlar lazımdır. Buna isə yetərincə vaxtımız yoxdur.

- Hər bir cəhətdən problemlərimiz var. Bu, tək onların deyil, Azərbaycan futbolunun problemidir. Başda mən olmaqla, çatışmayan cəhətlərimiz çoxdur. Bu qrup çox tənqid olunub. Amma bununla qəti razı deyiləm. İstər klub, istərsə də yığma səviyyəsində çatışmazlıqlarımız olub. Ola bilər kimdə bir qədər azdı, kimdə isə çox. Toplanışda bütün məqamlara toxunduq. Düzdür, fiziki yükləmə vermədik. Klub məşqçilərinə də bildirmişəm ki, onlar özləri fiziki baxımdan yükləmələr aparsınlar. Futbolçuların yükləmə altında oynamalarını istəmirəm. İki məqamın üzərində daha çox dayandım – taktiki və psixoloji cəhətdən.

- Mənim istədiyim Qurban müəllimin oyun fəlsəfəsidir. Onlar mənim yanımda keçici bir müddət yaşayırlar. Bir il, iki il, kimisi 4, kimisi 5 ay. Özüm U-21-də cəmi 4 ay olmuşam.

- Toplanış Kosovo və İrlandiya ilə seçmə mərhələ öncəsi olacaq. Məcburuq ki, bizim sərəncamımızda olmaları üçün rəsmi oyunları gözləyək.

- Bacardıqca oyunları izləyəcəm. Biz daha çox "İnstat” proqramı ilə işləyirik. Legionerlərin oyununa canlı baxmaq olmur. Çox gözəl proqramdır, bütün futbolçuların çıxışlarının görüntülərinə baxmışam. Bir futbolçunun 90 dəqiqə ərzində nə etdiyini görmək mümkündür. Futbolçuların özlərinə də demişəm ki, oyunda yoxamsa, bu, sizi görməməyim demək deyil. Çox sayda futbolçular var, seçim etmək asan olmayacaq. Yığmaya 30-40 nəfər namizəd var. Legionerləri də nəzərə alsaq, Ozan Can Kökçü, Barış Ekincier, Fərid Nəbiyev, Ziya Əzizov və ya digərlərini izləyirəm. Geniş siyahımız var, hər birini izləyirəm. Son siyahını seçərkən yanlışlığa yol verməməyə çalışacağıq. Təbii ki, səhvin olmaması mümkün deyil. Bu da mənim baxışlarımdan irəli gələcək. Ola bilər kiminsə fəlsəfəsi fərqlidir. Kimsə milliyə dəvət almayıbsa, bu, o demək deyil ki, yığmaya layiq deyil.

- Çox istərdim bu açıqlamamda bütün mətbuat iştirak etsin. Bu oyunçu ilə bağlı fikirlərimi video formasını izlənməsini də çox istərdim. Ozan Canla bağlı məsələni çox araşdırdım. Məni tanıyanlar bilir ki, kimsə milli komandamıza hörmətsizlik edərsə, doğma qardaşım da olsa, ona burda yer olmayacaq. Nə səviyyədə futbolçu olursa-olsun. Bu məsələni 10-15 gün araşdırdım. Onun meneceri mənimlə birbaşa əlaqəyə girdi. O da durumu bir daha mənə anlatdı. Ozan Canın fikirlərini, məsələnin necə olduğunu bir daha çatdırdı. Özüm də araşdırma apardım və gördüm ki, futbolçu ilə millimiz arasında elə də böyük problem olmayıb. Ola bilsin ki, bundan sonra da kimsə yığmadan imtina eləsin. Milliləşdirilmiş, lakin sonradan dəvət göndərdiyimiz futbolçunun imtina etməsi mümkündür. Bunu Avropada legioner sayılmamaq üçün edə bilər. Bu tip amillər var ki, biz onları qınaya bilmərik. Məsələn, futbolçu Azərbaycan vətəndaşlığından imtina edir ki, Rusiyada legioner hesab edilməsin. Buna normal baxıram. Başqa səbəblər olubsa, kimisə təhqir, hörmətsizlik edibsə, hamı ilə iki əlli razıyam ki, həmin adama millidə yer yoxdur. Yığmanın toplanışında bütün futbolçuları yaxından izləmək istəyirdim. Ozan Kökçü ilə yaxından görüşmək və bu məsələləri bir də üzbəüz danışmaq istəyirdim. Təəssüf ki, toplanışa gələ bilmədi, klubu icazə vermədi. Rəsmi oyunları var idi deyə, üstlərinə çox gedə bilmədik. Getsəm də, bir şey dəyişməyəcəkdi. Nümayəndəsi ilə danışanda da bildirdi ki, onun Azərbaycan millisinə qayıtmaq istəyi böyükdür. Bəzi məqamlar olub ki, oynamaya-oynamaya boynuna atılıb ki, sənsən günahkar. Bir də pasport məsələsi var. Məcbur idi ki, Türkiyədə legioner sayılmasın. Bu cür fikirlər səsləndi. Onunla üzbəüz görüşmək istəyirəm. Təklif olsa da, özü ilə telefonla danışmadım. Dedim ki, gələr toplanışda danışarıq. Kim olur olsun, hörmətsizlik görsəm, o adam yığmada olamayacaq. Söhbət təkcə Ozan Candan getmir. Mənə qədər bəzi futbolçuların elə problemləri olmuşdu ki, fikrimcə, Ozan Canın məsələsindən daha qəbahətlidir. Ozan Can türkdür, bizə yaxındırlar, qardaşdırlar. Amma azərbaycanlı deyil. Yığmada da o qədər çıxış etməyib. Amma elə azərbaycanlılar var ki, oyun vaxtı və ya kənarda etdikləri hərəkətlər daha böyük qəbahət idi. Mən bütün futbolçulara şans verdim, onlarla yenidən danışmaq, qazanmaq istədim. Yoxsa, mənim üçün də asan olardı ki, filankəs belə edib, çıxardım. Hamı da desin ki, "bravo Rəşada”. Onları Azərbaycan futboluna qazandırmaq istəyirəm. Ozan Canla bağlı durum da bu cürdür.

- Neçə ildir futbolun içindəyəm. İstər milli, istər klub səviyyəsində olsun. Futbolçularımız o qədər yanlış addımları olub ki, Ozan Canın etdiyi onların yanında elə də böyük məsələ deyil. Yavaş-yavaş, danışa-danışa başa salaraq görmüsən ki, tam fərqli vəziyyətə gəliblər. Messinin özü də millidən imtina edib. Bu gün Argentinanın qəhrəmanı emosional şəkildə millidən imtina edirsə, Arda Turan bu addımı atırsa, futbolun içində olan şeylərdir. Amma olmamalıdır. Buna bəraət qazandırmıram. Ozan Canın özünə də çatdırdım ki, düz etməyib, səhvə yol verib. Açıqlamaları xoşuma gəlmədi. Amma sonra daha bir açıqlaması oldu, gördüm ki, peşmançılıq var. Bundan sonra qənaətə gəldim ki, ona şans verim. Bir də onunla üzbəüz danışım. Qarşıdakı toplanışlarda baxacağam. Növbəti toplanışa çağırıla da bilər çağırılmaya da. İlk fürsətimdə onunla bu söhbəti tamamlayacağam. Ortadakı adama demişəm ki, ola bilər 2 və ya 5 oyun çağırılmasın, amma 1 oyuna dəvət alsın. Biz onunla yenidən danışmaq istəyəndə, adından deyildi ki, hər nə söylənilsə, razıdır. Bir az qayğısızlıq var. Legioner dəvət edib, sabah çağırmırıqsa, bunu qayğı, gözəl formada etməliyik. Nə qədər olmasa da, o yaddır. Biz ona başqa vətəndaşlıq başqa pasport veririk. Legionerlərdən maksimal vətənpərvərlik gözləməməliyik. Bu, mümkün olan şey deyil. Heç legioner dəvət etməyək, mən razı. Yenə deyirəm ki, çox güclüdürsə, sabah bizim futbolçularımız ona baxıb nəsə öyrənəcəksə, elə legionerləri dəvət etmək lazımdır. Çox yox, 3-4 nəfər layiq olanları. Bu gün Fransa, Almaniya, İngiltərə yığmalarına baxırıq, fərqli millətlərdən futbolçular var. Legioner söhbəti yox dərəcəsindədir.

- Sizin dediyinizdə də həqiqət var. O demək deyil ki, bu gün belədir, belə də olacaq. Əgər bir şey düz deyilsə, onu iki və ya üçüncü dəfə etməyəcəyik. Səhv edib, sona qədər dirənən insan deyiləm. Bu günə qədər səhvlərim olub, bundan sonra da olacaq. Görsəm ki, bir şeyin Azərbaycan futboluna zərəri varsa, ondan dönəcəm.

- Düzü, ona təklif göndərməmişdim.

- Hazır saymaq məsələsi deyil. O özünü daha çox əsas yığmada görür. İstəmirəm ki, mənim olduğum yerə hansısa futbolçu istəksiz gələ və ya "yox” deyə. Bu kimi durumlar var. Ümid edirəm ki, gələcəkdə əsas yığmada möhkəmlənəcək. Onu U-21-in üzvü kimi görmürəm. Dadaşovla bağlı başımda qarışıq fikirlər var. Sabah özü də bildirsə ki, böyük həvəslə gəlib oynayaram, onda bu haqda fikirləşmək olar. O, bura əsas yığma üzvü kimi gəlib. Hiss edirəm ki, onda bu cür fikir var. Ramil Şeydayev, Mahir Mədətovla danışdım, gördüm, ikisi də gəlməyə razıdırlar və məşqlərdə böyük həvəslə çalışdılar. Nəsə alındı, nəsə alınmadı, məğlub olduq-bunlar önəmli deyil. Əsas odur ki, onlarda bu istəyi gördüm. Kimliyindən asılı olmayaraq, istək gördüyüm futbolçuya təklif göndərəcəm.

- Millimiz Qurban Qurbanovun rəhbərliyi altında ilk oyununu keçirdi. Legionerlərimiz iştirak etmirdi. Fikrimcə, birinci oyuna görə pis alınmadı. Futbolçularımızın Qurban müəllimə, onun isə oyunçulara uyğunlaşması üçün vaxt lazımdır. Çox istərdim ki, Millətlər Kuboku başlayanda uyğunlaşma mərhələsini adlasınlar. İkinci hissə daha çox xoşuma gəldi. Uşaqlar üzərilərindəki həyəcanı atdılar. İlk yarıda həyəcanlı idilər. Lakin fasilədən sonra daha inamlı və kəskin oynamağa başladılar. Sadəcə olaraq, Moldova millisi müdafiəyə daha çox diqqət ayırmışdı. Bizdən səhv gözləyirdilər və bütün oyunu da bizim səhvlərimiz üzərində qurmuşdular. Ən çox xoşuma gələn o idi ki, futbolçularımız meydanda nizam-intizamlı idilər. Hamı çalışırdı ki, tam formada olmasalar belə, əllərindn gələni etsinlər. Qol vurmaqla qələbə qazanmağa çalışırdılar.

- Mənim yox, Ruslanın millidə öz yeri var. Dünən meydanda ən yaxşılardan idi. İnanıram ki, gələcəkdə də bizim "stopper” mövqeyində problemimiz olmayacaq.

- Qurban müəllim bu gün qayıdanda çox sevindim (gülür). Baş məşqçi deyildim, iki-üç günlük əvəzləyici funksiyasını yerinə yetirirdim. Elə də böyük işimiz olmadı. Dərindən nəfəs aldım, çünki məsuliyyətli idi. Yerlilərlə legionerlər tam fərqlidi. Çalışırsan ki, futbolçulara bir az başqa cür yanaşasan. Legionerlər bir az həssas olur, xüsusi diqqət sevirlər. İstər klub olsun, istərsə də milli. Özüm də legioner olanda xüsusi diqqət istəmişəm. Diqqət görməyəndə soyuyur, inciyir. Onlar bir az dəymə-düşər olurlar. Ailələrindən, vətənlərindən uzaq olurlar.

- İnciklik yoxdur. Almeyda təcrübəli futbolçudur. Bilir ki, "Qarabağ” ona, o da "Qarabağ”a nələr verib. Çempionlar Liqasının qrup mərhələsində çıxış edirsənsə, futbolçularına dəvət olacağına hazır olmalısan. Bu, normal bir şeydir. Dino Ndlovu ilə də bu cür baş verdi. Bu gün Almeydaya da, başqa futbolçularımıza da təkliflər var.

- Ciddi təklifdən, danışıqların getdiyindən xəbərim yoxdur. Mən də bu gün mətbuatdan oxudum ki, artıq gedir. Belə bir şey olsa belə, yayda reallaşacaq.