Savelev: “Rus kürüsü dünyada heç kimə lazım deyil”

Qaynarinfo xəbər verir ki, bunu "Qovorit Moskva” radiostansiyasına balıqçılıq xəbər agentliyinin rəhbəri Aleksandr Savelyev bildirib.

"Bizdə belə bir illüziya var ki, somon kürümüz dünyada fantastik bir markadır. Bu, yanlış təsəvvürlərdən biridir. Bu, dünyada heç kimə lazımd eyil”, - Savelev deyib.

O, qeyd edib ki, Rusiya istehsalı olan kürü əsasən ölkə daxilində satılır, Ukrayna və Belarusiya bazarları isə Alyaskadan gətirilən kürü ilə doldurulur. Almaniyaya soyuducu qablarda, oradan isə artıq banklarda Ukraynaya gətirilir.

Savelyevin sözlərinə görə, xaricdə Rusiya yengəcləri və şimal balığına tələbat var: "Yüksək keyfiyyətli yabanı balıqlarımız bütün dünyada tələb olunur. Bunun bütün dünya auksionlarında rəqibi yoxdur, çünki bu şimal dənizlərinin balığıdır, yağlı, doymamış yağdır, insanlar üçün ən faydalıdır”.

Qeyd edək ki, Alyaska balıqçıları ABŞ-ın sanksiyalarına cavab olaraq Rusiyanın tətbiq etdiyi qida embarqosu səbəbindən hər il on milyonlarla dollar ziyana getdiklərindən şikayətləniblər. Sanksiyalar tətbiq edilməmişdən əvvəl Rusiya Yaponiyadan sonra öz məhsullarına görə ikinci ən böyük bazar olub: ölkəyə somon kürüsü, dondurulmuş qızılbalıq və yarımçıq məhsullar gətirilib. 2013-cü ildə ixracat 61,3 milyon dollar təşkil edib.