Qafqazda ilk “Rolls-Royce” salonu Bakıda açıldı - FOTOLAR

Bu gün məşhur “Rolls-Royce” avtomobil markasının Qafqaz regionunda ilk olaraq Azərbaycanda rəsmi salonu açılıb.

Oxu.Az xəbər verir ki, Bakıda yerləşən yeni avtosalon - “Rolls-Royce Cars” şirkəti Azərbaycanda rəsmi dilleri və nümayəndəsi “İmprotex Motors” MMC-nin rəhbərliyi altında fəaliyyət göstərəcək.

Açılış mərasimində “RR Cars” şirkətinin baş icraçı direktoru Torsten Muller Otvos, “İmprotex Motors” şirkətinin baş direktoru Həsən İsmayılov, “RR Motors Cars Baku”nun brend meneceri Əziz Əlizadə, ictimai xadimlər, KİV nümayəndələri və qonaqlar iştirak edib.

Yeni açılmış salonda “Rolls-Royce”un 3 ən prestijli modeli təqdim olunub.

Onlardan biri kupe ban tipli, iki qapılı “Rolls-Royce Wraith”dır.

Avtomobil 624 güclü 12 silindirli mühərriklə təchiz olunub.

“Wraith”in maksimal sürəti 250 km/saat təşkil edir, 100-ə qədər sürətlənməsinə 4,5 saniyə sərf olunur. Qiyməti 435 000 manat təşkil edir.

Digər avtomobil “RR Phantom” 453 güclü 12 silindirli mühərriklə təchiz olunub.

“Phantom”un maksimal sürəti 240. 100 km s 6.1 saniyə sərf olunur.

Bu avtomobilin qiyməti 535 000 AZN-dir.

Sonuncu model əfsanə “RR Ghost” - 6,7 mühərriyə sahib olan avtomobildir, maksimal sürəti 250 km/saat təşkil edir.

Avtomobilin qiyməti 455 000 AZN-dir.

Qeyd edək ki, “RR Ghost” modeli bu gün axşam keçiriləcək “Grand Opening” mərasimində təqdim olunacaq.

Qaynar.info