Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
1970-ci ildən davam edən miras mübahisəsi - 55 ildir bitməyən mübarizə
Türkiyənin Antalya şəhərinin Konyaaltı rayonunda, Təhlükəsizlik Xidməti Meşə Baş İdarəsi ilə yüzlərlə mirasçı arasında 1970-ci ildən bu yana davam edən torpaq mübahisəsi 55 ildir həllini tapmayıb.
Qaynarinfo xəbər verir ki, təxminən 4 min hektarlıq 50-yə yaxın torpaq parselini əhatə edən mübahisəli ərazilərin dəyərinin 5 milyard dollar civarında olduğu bildirilir.
"Arapsuyu davası" adı ilə tanınan məhkəmə prosesi, 1970-ci ildə bölgədə aparılan kadastr işləri zamanı orman sərhədlərinin müəyyənləşdirilməsi ilə başlayıb. İlk kiçik miqyaslı davalar isə 1947-ci ilə qədər uzanır. 1989-cu ildə Ali Məhkəmə müxtəlif parsellerlə bağlı davam edən işləri birləşdirib.
Mübahisəli torpaqlar Konyaaltının Arapsuyu, Uncalı və Öğretmenevleri məhəllələrinin böyük hissəsini, qismən isə Altınkum və Siteler məhəllələrini əhatə edir.
Davanın həm tərəfləri, həm də mirasçıların sayı illər ərzində artdığından, işin həllini daha da çətinləşdirir. Vəkil Ali Karaca bildirib: "50-yə yaxın parseldən söhbət gedir. Onlara dair müxtəlif tərəf iddiaları var. Yeni mirasçıların ortaya çıxması səbəbindən məhkəmə tərəflərin tam siyahısını belə çətinliklə müəyyənləşdirir. Keçən yay keçirilən məhkəmə baxışı 4 gün çəkdi. Çox parsel və çox mirasçı olduğundan yaxın zamanda nəticə gözləmək mümkün deyil".
Mübahisəli ərazilərin bir hissəsində əvvəllər tikililər salınsa da, böyük sahələr illər ərzində makilik və şam ağacları ilə örtülüb. Təxminən iki il əvvəl əraziyə dair "Ətraf mühit və şəhərsalma nazirliyi" tərəfindən aparılan araşdırma nəticəsində bölgə SİT elan olunub. Bu qərar mirasçıların ərazilər üzərində mülkiyyət hüququnu əldə etməsini daha da mürəkkəbləşdirib.
2025-ci ilin 3 iyununda isə prezident fərmanı ilə Konyaaltı rayonunun Uncalı ormanlıq ərazisi "Təbii SİT – davamlı qoruma və nəzarətli istifadə sahəsi" kimi qeydiyyata alınıb.
20 ildir prosesi izləyən vəkil Karaca qeyd edib: "Bu torpaqlar Konyaaltının ən qiymətli bölgəsində yerləşir. Turizmin və şəhərsalmanın çox intensiv olduğu bir yerdə, böyük boşluq təşkil edən bu ərazilərin dəyərinə qiymət qoymaq mümkün deyil".
Aydın
Oxşar xəbərlər
Çinli məmur ölüm cəzasına məhkum edildi
Dünya
26.09.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər