Azərbaycanın tanınmış jurnalisti vəfat etdi

Rusdilli telejurnalistika məktəbinin əsasını qoymuş Nina Yarova İsrailin Beer-Şeva şəhərində keçinib

Azərbaycanın tanınmış televiziya jurnalisti vəfat edib. APA xəbər verir ki, “İsrail-Azərbaycan” Beynəlxalq Assosiasiyasının İdarə Heyətinin üzvü, Azərbaycanda rusdilli telejurnalistika məktəbinin əsasını qoymuş dövlət mükafatı laureatı Nina Yarova İsrailin Beer-Şeva şəhərində vəfat edib.

Qeyd edək ki, 1956-cı ildə Azərbaycan Dövlət Televiziyası fəaliyyətə başlayan gündən orada çalışıb və telekanalda rusdilli verilişin ilk redaktoru olub. Eyni zamanda uzun illər Azərbaycan Dövlət Kinostudiyasında sənədli və elmi-kütləvi filmlər birliyinin baş redaktoru işləyib. 1961-ci ildə o vaxt çox da tanınmayan gənc müğənni Müslüm Moqamayev haqqında ilk sənədli film çəkilib.

N.Yarova İsrailə köçdükdən sonra jurnalistika sahəsində fəaliyyətini davam etdirib, İsrail Dövlət Radiokanalının (REKA) müxbiri olub.

“İsrail-Azərbaycan” Beynəlxalq Assosiasiyası Nina Yarovanın vəfatı ilə əlaqədar ailəsinə və yaxınlarına başsağlığı verib.

Qaynar.info