Aftandil Hacıyev: “...Məşq etmək, tullanmaq Kamran üçün çətin idi...”

Komandanın baş məşqçisi Aftandil Hacıyev Qaynarinfo-ya müsahibəsində həm hazırkı duruma toxunub, həm də qarşıdakı planlardan danışıb.

- Bilirsiniz ki, yay fasiləsində biz hər zaman transfer məsələlərində gecikirik, gözləmə mövqeyi tuturuq. Hətta futbolçularımızdan Nikolas Raysel iki tur keçəndən sonra komandaya qoşulmuşdu. Belə çətinliklər stabil çıxışımızı əngəlləyir. Çünki futbolçular təlim-məşq toplanışında və hazırlıq oyunlarında birlikdə ola bilmirlər. Bu baxımdan çempionatda qeyri-sabitlik yaşayırıq. Futbolçuları qınamıram. İmkanlarımıza görə hərəkət edirik. Hər zaman kənarda qalanları heytimizə cəlb edirik. Bununla belə çempionatın ilk turlarına pis başlamadıq, hər zaman əhval-ruhiyyə yüksək olduğu, darıxdıqları üçün istədiyimiz nəticəni əldə edə bildik. Sonradan cəzalanan, zədələnən futbolçuları əvəzləyə bilmədiyimizdən heyətdə boşluqlar yarandı. İkinci dövrəyə yaxşı start verdik, "Qarabağ” üzərində tarixi qələbə qazandıq. Bu "Səbail” üçün ilk idi. Sonra yenə də cəzalar və zədələr bizi tempdən saldı. "Keşlə”dən bir xal aldıq, son oyunda "Sabah”a məğlub olduq. Xalları çətinliklə qazandıq. Amma asanlıqla məğlub olduğumuz oyunlar vardı. Mövqeyimiz həm yaxşı, həm bundan da bərbad ola bilərdi. Qışa kimi olan çıxışımızı istəməzdim yekun nəticə kimi dəyərləndirim. Çempionatın sonunda oyunlarımızı qiymətləndirmək daha yaxşı olardı. Ümumi fikrimiz yerlilərə şans verməkdir, gənc futbolçuların axtarışındayıq. Gördüyünüz kimi, ən az legioner bizdədir – cəmi 4 nəfər. Amma digər komandalarda bu say iki dəfə çoxdur. Rəqiblərin heyəti daha genişdir və güclü fubolçulardan formalaşıb. Ona görə də çətinliklər yaşayırıq. Çalışırıq yeni oyunçular üzə çıxaraq, diqqətdən kənarda qalanlara qapı açaq. Nəticə o qədər önəmli olmasa da, mübarizəmizi sona qədər aparmağı düşünürük. Kubokda 1/4 final mərhələsindəyik. Cəhdlərimizi edəcəyik. Hədəfimiz milliyə futbolçu verməkdir. 

- Gənc hakimlər vardı ki, ilk dəfə bizim oyunlarda çıxış etdilər və səhvlərə yol verdilər. Amma çıxışmızı sırf hakimlərlə bağlamaq istəməzdim. Çünki səhv hər oyunda ola bilər. Sadəcə, bizim matçlarda səhvlər nəticəyə təsir etdi. Sonradan təhlil edəndə gördük ki, bəzi qərarlar olmasaydı, müəyyən oyunlardan xalla ayrıla bilərdik. Futbolçuların əziyyətinə heyifimiz gəlir. Qarşımızda yerli futbolçuları yetişdirmək məqsədi varsa, bunu hakimlər də nəzərə almalıdırlar. "Səbail” daha çox yerli futbolçulardan formalaşıb. Bu baxımdan düşünürəm ki, diqqəli olmalıdırlar. Onları "sındırmamaq” çox önəmlidir. 

- Təbii ki, cəzanın bu qədər olmasına razı deyiləm. Belə bir hadisə yaşanmamışdı. Heç nə deməyəcəm. Sadəcə, son vaxtlar Türkiyə çempionatında baş verənlərə nəzər salsaz, məncə kifayət edər ki, bu gün məşqçi və hakim dialoqunun nə qədər önəmli olduğunu görək. Dialoq baxımından hakimlərimizdə təcrübəsizlik var, çünki cavandırlar. Vaxt getdikcə bu da yoluna qoyular. Türkiyədə baş məşqçilər, hətta VAR hakimlərinə belə iradlarını çatdırırlar. Bizim də aramızda qısa dialoq oldu. Dilaoq qurmaqda problem yarandığı üçün belə hadisə yaşandı. Bu da xoş deyildi.

- Məncə, çox ciddi cərimə idi. Bu cür cəza tətbiq ediləcək heç nə baş verməmişdi. Bir-iki oyunluq cəzanı hardasa başa düşmək olardı. Amma 5 oyunluq deyildi. 

- Bu sistem artıq müasirləşib. Futbolda istifadə edirlər. Düşünürəm ki, qərarlara yardım edəcək bir qurğudur. Amma bu gün dünyadakı çempionatları izləyəndə görürük ki, hətta, VAR sistemi ilə bağlı şikayətlər olunur. Ümumilikdə hakimlərin komandaların haqqına girməməsi üçün faydalı ola bilər. Yenə də səhvlər olacaq. O demək deyil ki, VAR sistemindən sonra oyunlar səhvsiz idarə ediləcək.

- Maliyyə baxımından imkansızlıq var, ona görə də təlim-məşq toplanışını Bakıda keçəcəyik. Hazırda "Dalğa Arena”da məşq edirik. Sabah ilk yoldaşlıq görüşümüzü keçirəcəyik. Ayın 5-dən "Bayıl Arena”da yığışmışıq. 10-dan isə "Dalğa Arena”da məşqləri davam etdiririk. Ayın 14, 18, 21 və 24-ü üçün yoldaşlıq görüşləri planlaşdırmışıq.

- Hələ ki, gedənlərin sayı çoxdur. Gələnlər də yəqin ki, yerlilər olacaq. Çünki əcnəbilərə bağlı limitimiz 4 nəfərdir.  Daha artığını götürə bilmərik. Rəhbərliklə əvvəlcədən danışıb qərara gəlmişik ki, əcnəbilərin sayı maksimum 4 nəfər, onlardan da ən azı biri milli üzvü olsun. Şimkus millidə oynayırdı deyə dəvət etdik. Camal Araqo da ilk dəfə Liberiya millisinə çağırıldı. Digərlərinə gəlincə, Kamran Ağayev karyerasını bitirdi. Elşən Abdullayevlə yolları ayırdıq. Elton Əlibəylinin icarə müddəti bitdiyindən onu "Neftçi”yə qaytardıq. Cəlb etmək istədiyimiz futbolçulardan isə yalnız Tural Bayramlının adını çəkə bilərəm. Onunla yaxından maraqlanırıq. Danışıqlar gedir. Ola bilər Birinci Diviziondan da futbolçu transfer edək. Əvəzedicilərdən 6 nəfəri məşqlərimizə cəlb etmişik. Hələ ki, yoxlanışdadırlar. Yoldaşlıq görüşlərindən sonra onlarla bağlı qərar veriləcək. 

- Kamran bu qərarı özü qəbul etdi. Son zamanlar sağlamlığı, zədələri ilə bağlı məşqlərdə mütəmadi iştirak edə bilmirdi. Tez-tez zədələnirdi deyə formadan uzaqlaşırdı. Futbol elə oyundur ki, daim formada olmalısan. Bütün bunlara tab gətirmək onun üçün çətin idi. Həm də yeni iş təklifi aldı. Mənə yaxınlaşıb karyerasını bitirməklə bağlı qərar vermək istədiyini bildirdi. Biz də hörmətlə yanaşdıq. Ancaq onu yenidən futbola qaytarmaq üçün əlimizdən gələni etdik. Kamranın futboldan kənarda qaldığı vaxtlarda biz ona diqqət ayırdıq. Düşünürəm ki, Kamran da bu diqqəti daim qiymətləndirib. Hörmətlə, yaxşı əhval-ruhiyyədə yollarımızı ayırdıq. Ona növbəti işində uğurlar arzulayıram. Kamran Azərbaycan futbolunda üç ən yaxşı qapıçıdan biri olub.

- Onu qınamıram, meydançamız da sərtdir. Orada məşq etmək, tullanmaq, Kamran üçün çətin idi. Buna baxmayaraq, artıq çəkisinin böyük hissəsini atmışdı. Yenə də baxırsan ki, yaş öz sözünü deyir, köhnə zədələr baş qaldırır. Mütəmadi formada qalmaq üçün məşq etmək lazımdır. Əlbəttə, özünün də qayıtmaq istəyi vardı. Hətta hər bir futbolçu milliyə dönməyi düşünürdü.

- Birincisi, legioner götürə bilmirik. İkincisi, hələ gənc klubuq. Əvəzedicilərimizi bu il yenidən formalaşdırmışıq. Çətinliklər var. Yenə də çalışırıq ki, istedadlı uşaqlar cəlb edək. 

- Dəyişikliklər çoxdursa, tez bir zamanda komandadan keyfiyyətli oyun gözləmək də sadəlövhlük olar. Bizdə də tez-tez dəyişikliklər baş verir. 3 nəfər gedir, 5-i gəlir. Hər yay fasiləsində birdən-birə 10 nəfər dəyişdirilir. Nəticədə hər şeyi yenidən başlamalı oluruq. Belədə davamlı, yaxşı oyun göstərmək çətindir. Müəyyən görüşlərdə istədiyimiz oyunu nümayiş etdirə bilirik.

- Bu haqda heç bir məlumatım yoxdur. Rəhbərliklə müzakirələrimiz olub. Amma indidən heç kim, heç nə deyə bilmir. Rəhbərliyə təkliflərimizi bildirmişik, amma hazırda heç bir müzakirə aparılmır.