Ayaz Qocamanovun görüşləri davam edir (FOTOLAR)

 

Ayaz Qocamanovun seçki qərargahından Bizimxeber.az-a verilən məlumata görə, rayonun Ərəbuşağı, Ağalarbəyli, Qaraməmmədli kəndlərində izdihamla qarşılanan namizəd seçki platforması barədə ətraflı məlumat verib, dəyərli insanlarla daha yaxından tanış olmasından məmnunluğunu bildirib: "Bizə inanıb dəstək verən, yanımızda olan, xeyir-duasını aldığımız insanların SONUNA qədər yanındayıq. Sizinlə görüşməkdən çox məmnunam, bəlli problemlərinizi öyrənirəm, onların həll olunması istiqamətində planlar hazırlanır”.

Ayaz Qocamanov sakinlərlə görüşdə bildirib ki, artıq 15-ə yaxın kənddə olub, insanların vəziyyəti ilə maraqlanıb:” Çalışıram ki, bütün kəndlərdə olum, insanlarla görüşüm, onların problemlərini öz dillərindən eşidim. Həmçinin insanlar mənə olan etimadını, dəstəyini açıq formada bildirirlər. Məhz bu vəziyyət məni daha da ruhlandırır və qələbə inamımı artırır. İnanıram ki, qələbə bizimdir və biz ağsuluların dəstəyi ilə qələbə çalacağıq. Məmim qələbəm, həm də Ağsunun qələbəsidir”.

Qeyd edək ki, təşviqat çərçivəsində Daşdəmirbəyli kəndində planlaşdırılan görüş yas mərasiminə təsadüf etdiyi üçün təxirə salınıb. Ayaz Qocamanov və komandası yas mərasimində iştirak edib. Yaxın günlərdə namizədin yenidən Daşdəmirbəyli kəndində seçiciləri ilə görüşü olacaq.

İddialı namizəd Ayaz Qocamanovun kəndlərdə görüşləri davam edir.

Qeyd edək ki, 87 saylı Ağsu-İsmayıllı seçki dairəsindən namizədliyi qeydə alınan Ayaz Qocamanov gənc iqtisadçıdır. Azərbaycanın Türkiyə və Rusiya ticarət əlaqələrində kiçik sahibkarlara dəstək verən tanınmış merketinq mütəxəsisidir.