Azərbaycanlı müğənninin əri sabah azadlığa çıxır

Müğənni Zenfira İbrahimovanın bu yaxınlarda həbs edilmiş əri Anar Heydərov sabah azadlığa buraxılacaq.

"Qaynarinfo" oxu.az-a istinadən xəbər verir ki, bu barədə müğənni sosial şəbəkədə məlumat yayıb.

“Son bir gün qaldı, inşallah. Çox darıxmışam. Həqiqətən, sənsiz həyatın mənası yoxdur mənim üçün”, - deyə ifaçı yazıb.

Xatırladaq ki, Anar Heydərov iyunun 25-də öz motosikleti ilə Zaqulba prospektindən üzü Bilgəh istiqamətində hərəkətdə olan zaman avtoxuliqanlıq edib. Məhkəmə qərarı ilə Anar Heydərovun sürücülük hüququ 1 il müddətinə məhdudlaşdırılıb. Özü isə 20 gün inzibati həbs cəzası ilə saxlanılıb.

Qaynarinfo.Az