Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
"Beş ildən sonra hara gedirsən?" - Ekspert ən təhlükəli müsahibə sualını açıqladı
Müasir əmək bazarında seçilmək üçün digər namizədlərdən bir addım öndə olmaq son dərəcə vacibdir. Bu isə təkcə CV-yə deyil, həm də müsahibədə verilə biləcək çətin suallara hazır olmağa aiddir.
Qaynarinfo CNBC-yə istinadən xəbər verir ki, karyera mütəxəssisi, "Self Made Millennial" platformasının təsisçisi Madlen Mann müsahibələrdə ən narahatlıq yaradan suallardan birinin belə səsləndiyini deyir: "Özünüzü beş ildən sonra harada görürsünüz?"
Mann bildirir ki, bu xeyli çətin sualdır və çox vaxt namizədlərin imtina cavabı almasına səbəb olur. Onun sözlərinə görə, işə qəbul meneceri bu sual vasitəsilə namizədlərin həmin işə həqiqi marağının olub-olmadığını və bu vəzifənin onların karyera ambisiyalarına uyğun gəlib-gəlmədiyini anlamağa çalışır.
Bir çox namizəd gələcək planlarından danışarkən həmin vəzifə ilə əlaqəsi olmayan hədəflər göstərir və bununla da bu işin onların karyera trayektoriyasına daxil olmadığını təsdiqləmiş olur: "Məsələn, deyirlər ki, "Beş ildən sonra öz biznesimi qurmaq istəyirəm" və ya "Beş ildən sonra ailə qurmaq istəyirəm".
Mannın sözlərinə görə, sahibkarlıq və şəxsi nailiyyətlərlə bağlı cavablar namizədin işi tez tərk edə biləcək biri təəssüratını yaradır. O əlavə edir ki, şirkətlər uzun müddət çalışacaq əməkdaşları işə götürməyə üstünlük verirlər, artıq ayrılmağı düşünənləri isə yox.
Mann həmçinin müsahibə götürən şəxsə "Beş ildən sonra sizin yerinizdə olmaq istəyirəm" deməməyi tövsiyə edir, çünki bu, təkəbbür və qeyri-real görünə bilər.
O, vəzifə və ya vəzifə artımından çox, ölçülə bilən karyera nəticələrinə diqqət yetirməyi tövsiyə edir. O, sualı belə yenidən çərçivəyə salmağı məsləhət görür: "Bu vəzifə mənim inkişafıma necə töhfə verir?”
"Beş ildən sonra bu şöbənin direktoru olacağam” demək əvəzinə, namizədlərin bu məqsədə çatmaq üçün atacaqları addımlardan söz açması daha effektivdir.
"Məsələn, deyə bilərəm ki, "Daha çox birbaşa tabeçim olsun istəyirəm", yaxud "Daha böyük müştərilərlə işləmək, təşkilat daxilində müraciət olunan ekspertə çevrilmək istəyirəm" və ya "Daha geniş auditoriyalar qarşısında çıxış etmək niyyətindəyəm. "Sadəcə "mən vəzifə istəyirəm" deməkdənsə, siz "biznesə fayda gətirəcək nəticələrə nail olmaq istəyirəm" deyirsiniz", deyə Mann bildirir.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər