Futbol üzrə dünya çempionatı davam edir. Ötən axşam İsveçrə Bosniya və Herseqovina ilə qarşılaşıb.
Qaynarinfo-nun məlumatına görə, Los-Anceles stadionunda keçirilən B qrupunun II turunun matçında isveçrəlilər 4:1 hesablı qələbə qazanıblar.
İsveçrənin heyətində Joan Manzanbi (74, 90) dubl edib. Digər qolları isə Ruben Varqas (84) və Qranit Caka (90+7) öz aktivinə yazdırıblar. Bosniyalıların təsəlli qolunu isə Ermin Mahmic (90+3) vurub.
Kanada Qətər millisini böyük hesabla məğlub edib. "BC Place" stadionunda keçirilən B qrupunun II turunun matçında Şimali Amerika təmsilçisi 6:0 hesablı qələbəyə sevinib.
Kanadanın heyətində Conatan Devid (29, 45+4, 90+2) het-trik edib. Kayl Larin (16), Neytan Saliba (66) və Manay Mohamed (75-avtoqol) digər qolları vurublar.
Meksika isə Cənubi Koreyanı məğlub edib. Qvadalxara stadionunda keçirilən A qrupunun II turunun matçın ev sahiblərinin 1:0 üstünlüyü ilə bitib. Qolu 50-ci dəqiqədə Luis Romo vurub.
