DİM kolleclərə qəbulun nəticələrini açıqladı
Dövlət İmtahan Mərkəzi (DİM) ümumi (9 illik) orta təhsil bazasında orta ixtisas təhsili müəssisələrinə qəbul olmaq üçün keçirilmiş müsabiqənin nəticələrini açıqlayıb.
DİM-in mətbuat xidmətindən "Qaynarinfo"ya verilən məlumata görə, nəticələr avqustun 7-də saat 19:40-dan etibarən internet səhifəsində yerləşdirilib.
Müsabiqənin nəticələri haqqında məlumatı, həmçinin "Azercell", "Bakcell" və "Nar" nömrələrindən abituriyentin iş nömrəsini 7727 nömrəsinə göndərməklə də öyrənmək olar.
Müsabiqənin nəticələri haqqında statistik məlumatlar aşağıdakı cədvəldə təqdim olunur:
| Təhsil forması | Qəbul planı | Qəbul olunub | Qəbulolma faizi | ||
| Azərbaycan bölməsi | Rus bölməsi | Bölmələr üzrə cəmi | |||
| Dövlət (ödənişsiz) | 4279 | 3924 | 191 | 4115 | 96.17 |
| Dövlət (ödənişli) | 5063 | 4098 | 141 | 4239 | 83.73 |
| Özəl | 1125 | 631 | 18 | 649 | 57.69 |
| Cəmi | 10467 | 8653 | 350 | 9003 | 86.01 |
Ümumi orta təhsil bazasında orta ixtisas təhsili müəssisələrinə qəbul olunanlar cari il avqustun 9-dan 21-dək tələb olunan sənədləri təqdim etməklə qəbul olduqları təhsil müəssisəsində qeydiyyatdan keçməlidirlər. Abituriyentin göstərilən müddətdə qeydiyyatdan keçməməsi onun müvafiq ixtisasa yerləşdirilməkdən imtina etməsi kimi qiymətləndiriləcək və o, qəbul olunanlar siyahısından xaric ediləcək.
Qaynarinfo.Az
Oxşar xəbərlər
Şərhlər