Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Dollar Trampın ticarət müharibəsi fonunda üç aylıq minimuma düşdü
Dollar 5 mart çərşənbə günü son üç ayın ən aşağı səviyyəsinə düşüb. Bazarlar ABŞ prezidenti Donald Trampın başladığı ticarət müharibəsinə reaksiya verib.
Qaynarinfo Reuters-ə istinadla xəbər verir ki, Trampın çıxışı fonunda dollar əvvəlcə yüksəlsə də, sonradan 6 dekabr 2024-cü ildən bəri ən aşağı səviyyəyə düşüb. ABŞ valyutasının zəifləməsi fonunda funt sterlinq üç aylıq maksimuma çataraq 1,28025 dollar olub.
İnvestorlar dolları satır, çünki dünyanın ən böyük iqtisadiyyatının artım perspektivləri ilə bağlı narahatlıqlar artır. ABŞ iqtisadiyyatı artıq yavaşlama əlamətləri göstərir.
"İnflyasiya gözləntilərinin artması və rüsumlar ABŞ iqtisadiyyatının artımını təhlükə altına qoyur", – Convera şirkətinin qlobal makrostrateqi Boris Kovaçeviç bildirib.
Onun sözlərinə görə, stagflyasiya riskləri artır.
"Əlbəttə, rüsumların artırılması nəzəri cəhətdən dollar üçün müsbət amildir. Lakin investorlar qısamüddətli dalğalanmalardan daha uzağı görür və uzunmüddətli iqtisadi yavaşlama ilə bağlı narahatlıq keçirirlər", – ekspert izah edib.
Yeni rüsumlar fonunda Kanada dolları 0,23% ucuzlaşaraq 1,4425 ABŞ dollarına düşüb, Meksika pesosu isə bir qədər bərpa olunaraq 20,6141 dollar səviyyəsinə çatıb.
Digər tərəfdən, Yaponiya yeni 0,15% bahalaşaraq 149,58 dollara yüksəlib. Avro isə üç aylıq maksimuma qalxaraq 1,0639 dollar olub. Bu, Almaniya partiyalarının 500 milyard avroluq infrastruktur fondu yaratmaq və borclanma qaydalarını yenidən nəzərdən keçirmək barədə razılığa gəlməsindən sonra baş verib.
Eyni zamanda, Çin iqtisadi artımı qorumaq məqsədilə yeni fiskal stimullar tətbiq edib və istehlakı stimullaşdırmağa çalışır. Pekin 2025-ci il üçün ÜDM artımı hədəfini təxminən 5% səviyyəsində müəyyən edib. Bu tədbirlər yuanın dollara qarşı sabit qalmasına imkan verib.
Avstraliya dolları 0,3% ucuzlaşaraq 0,6254 ABŞ dollarına düşüb, baxmayaraq ki, ölkə iqtisadiyyatı dekabr ayında son iki ilin ən sürətli artımını nümayiş etdirib. Yeni Zelandiya dolları da 0,21% azalaraq 0,5654 dollar olub.
Trampın ticarət müharibəsi – bazarların reaksiyası
Tramp ABŞ-ın üç ən böyük ticarət tərəfdaşına qarşı rüsumları son onilliklərin ən yüksək səviyyəsinə qaldırıb ki, bu da fond bazarlarında çöküşə səbəb olub.
Nəticədə, Avropada Stoxx Europe 600 əsas indeksi 0,9%, ixraca yönəlmiş Almaniya DAX indeksi isə 1,5% geriləyib. Eyni zamanda, Honq Konqun Hang Seng indeksi 2%, Çinin CSI 300 indeksi isə 0,8% azalıb. Yaponiyanın ixracyönümlü Nikkei 225 indeksi 1,2%, Avstraliyanın S&P/ASX 200 indeksi isə 0,6% geriləyib.
Alpər
Oxşar xəbərlər
Roma Papasının son durumu açıqlandı
Dünya
06.03.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər