"Sabah"ın və millimizin üzvü Namik Ələskərovun da əvvllər formasını geyindiyi "Bursaspor", keçmiş prezidenti Ali Ayın dönəminə aid 57 milyon lirə borcuna görə lisenziya ala bilmədiklərini açıqlayıb.
Qaynarinfo-nun məlumatına görə, "timsahlar" bu səbəbdən heç bir liqada mübarizə apara bilməyəcək. Baş məşqçi Ərtoğrul Sağlamın rəhbərliyi altında "Bursaspor" 2009-2010 mövsümündə 75 xalla çempionluq qazanaraq, tarixinin ən böyük uğurlarından birinə imza atmışdı.
Klubdan verilən rəsmi açıqlamada "Sabiq prezidentlərsən olan Ali Ayın CAS-a ödənilməli olan transferlərin siyahısı belədir. Bu rüsumların cari məzənnəsi 57 036 775 TL-dir. Klubumuzun transfer qadağasının məhz bu dövrlə bağlı olduğu açıq-aydın görünür. Üstəlik, klubumuz bu yanlış gedişlərə görə lisenziya ala bilmir", deyilib.
2021-ci ildə "Neftçi"dən "Bursaspor"a transfer olunan Ələskərov 2022-ci ildə Azərbaycana qayıdaraq "Sabah"la müqavilə imzalayıb.
Səbuhi Həsənov
Şərhlər