FHN-dən Sumqayıtda yanan yataqxana binası ilə bağlı açıqlama
Fövqəladə Hallar Nazirliyinin (FHN) Mülki Müdafiə Qoşunları Sumqayıtda yataqxananın yanması nəticəsində evsiz qalmış sakinlər üçün çadır quraşdırıb.
"Qaynarinfo"nun məlumatına görə, FHN-nin mətbuat ximdətinin rəhbəri Oqtay Bayramov AzVision.az-a bildirib ki, sakinlər üçün 30 çadır quraşdırılıb.
Qeyd edək ki, yanğın avqustun 4-də Sumqayıt Dövlət Universitetinin İsmət Qayıbov küçəsində yerləşən tələbə yataqxanasının üçüncü mərtəbəsində baş verib. Hadisə yerinə bir neçə yanğınsöndürən maşın cəlb edilib. İlkin araşdırma zamanı yanğının yataqxananın 3-cü mərtəbəsindəkı partlayışdan sonra başladığı məlum olub.
Hadisə zamanı 10 nəfər tüstüdən zəhərlənmə diaqnozu ilə xəstəxanaya yerləşdirilib. Məlumata görə, binada 114 məcburi köçkün ailəsi məskunlaşıb.
Qaynarinfo.Az
Oxşar xəbərlər
Şərhlər