İdman 10:04 07.12.2023

FIFA prezidenti Messinin DÇ-2034-də oynayacağını gözləyir

Beynəlxalq Futbol Federasiyasının (FIFA) prezidenti Canni İnfantino Argentina millisinin hücumçusu Lionel Messinin 2034-cü ildə keçiriləcək dünya çempionatında çıxışını səbirsizliklə gözlədiyini bildirib.

Qaynarinfo bu barədə "TyC Sports"a istinadən xəbər verir.

"Mən Messinin 2026-cı il dünya çempionatında oynayacağını gözləyirəmmi? Həm növbəti çempionatda da, 2030-cu ildə də, 2034-cü ildə də bunu gözləyirəm. Bu, onun istəyinə uyğun olaraq", deyə İnfantino bildirib.

Qeyd edək ki, hazırda ABŞ-ın "İnter Mayami" klubunda çıxış edən Messi 2022-ci ilin dekabrında Argentina millisinin heyətində dünya çempionu olub. Qətərdə keçirilən mundialda hücumçu 7 oyunda 7 qol vurub, onlardan 4-ü penaltidən olub. O, finalda Fransa ilə görüşdə dubla imza atıb.

DÇ-2026-nın seçmə mərhələsində Argentina 15 xalla Cənubi Amerika qrupunda birinci yerdədir.

Aydın