Gənclər və İdman Nazirliyindən Mxitaryanın Bakıya gəlməsi ilə bağlı açıqlama

Gənclər və İdman Nazirliyindən Mxitaryanın Bakıya gəlməsi ilə bağlı açıqlama

Gənclər və İdman Nazirliyi İngiltərənin "Arsenal" klubunun erməni futbolçusu Henrix Mxitaryanın Bakıda keçiriləcək Avropa Liqasının final matçında iştirakına Azərbaycanın təhlükəsizlik təminatı vermədiyinə dair iddialara münasibət bildirib.

Qaynarinfo xəbər verir ki, Nazirliyin mətbuat katibi Səmayə Məmmədova Report-a açıqlamasında bildirib ki, deyilənlər heç bir reallığa sığmır.

Nazirlik rəsmisi fikirlərini belə əsaslandırıb:

"Əvvəlki illərdə ölkəmizdə keçirilmiş ilk Avropa Oyunları, Ümumdünya Şahmat Olimpiadası və digər mühüm yarışların hər birində olduğu kimi, dövlət iştirakçı ölkələrə təhlükəsizlik təlimatı ilə bağlı məktub göndərib".

Qeyd edək ki, mayın 29-da Bakı Olimpiya Stadionunda keçiriləcək qarşılaşmada "Arsenal"ın rəqibi "Çelsi" olacaq.

OXŞAR XƏBƏRLƏR

XƏBƏRLƏR
BLOGLAR