Günel Səfərova: "ATƏT yalnız Şərqə baxır, Qərbi görmür" (FOTOLAR)

"Gənc Vətəndaş" Maarifləndirmə İctimai Birlyinin icraçı direktoru Günel Səfərova ATƏT-in Varşavada keçirilən İnsan hüquq və azadlıqlarına həsr olunan toplantısında çıxışedib. Çıxışı təqdim edirik:

"Tədbirdə məndən əvvəl çıxış edənlər söz azadlığının fundamental insan hüququ olduğunu vurğuladılar və müstəqil mass media haqqında kifayət qədər danışıldı. Azərbaycana qarşı saxta məlumatlar istusna olmaqla deyilən fikirlərin bir çoxu ilə razıyam. Qeyd etmək istəyirəm ki, Azərbaycanın ərazisi olan Qarabağa ATƏT-ə üzv ölkələrdən 120 jurnalist qanunsuz səfər edib. Maraqlıdı hansı maliyyə vəsaitiylə və Azərbaycan dövlətindən icazə almadan bu necə olur? Əgər jurnalist təhlükəsizliyindən danışılırsa, erməni silahlı qüvvələri 5 jurnalistimizi öldürüb və əlbəttə onlarən adı xarici hesabatlarda olmayacaq. Dinc sakinlərin öz evlərində ermənilər tərəfindən öldürülməsi faktı varsa, jurnalist təhlükəsizliyindən necə danışmaq olar? 

2 yaşlı Zəhra və nənəsi öz evlərində ermənilər tərəfindən öldürüldü. Məncə, ATƏT yalnız Şərqə baxır, başını qaldırıb Qərbi görmür. Qərbdə ksenofobia, dini ayrıseçkilik və miqrantlara qarşı sərt davranışı kimsə görmür. Əgər biz problemləri konstruktiv yolla həll etmək istəyiriksə, ikili standartlardan qaçmalıyıq".

Çıxış ermənilərə təsir etdiyindən, onların nümayəndəsi replika atıb: "5 jurnalistin ölümü normaldır. Siz hakimiyyəti dəstəkləyirsiniz". Günel Səfərova cavab replikasında, "çıxışımda yalnız ermənilərin qanun pozuntusundan danışdım. Həqiqəti söyləmək sizi ifşadı", - deyib.

Qaynarinfo.Az