Hamiləli zamanı saç kəsdirmək və boyamaq olar?

"Qaynarinfo” xəbər verir ki, hamilə ikən ilk 3 ay həkimlər saç boyamağı məsləhət görmür. Boyanın içində olan ammonyak kimi kimyəvi maddələr uşağınıza və sizə zərərə verə bilər. Adətən saç boyası başda 30-40 dəqiqə boyunca qalır. Bu müddətdə boyada olan zərərli maddələr saç dərisinə sürətlə nüfuz edir və az miqdarda da olsa, qana keçir. Beləliklə, bu zəhərli maddələr ana qanından dölün qanına düşə bilər.
 
 
Hamiləlik zamanı qadınlar adətən saç kəsdirmir. Bəzi insanlar orqanizmə girən maddələrin uşağa fayda vermək yerinə saça fayda verəcəyinə inanır. Lakin saçınıza gedən maddələrlə uşağınıza gedən maddələrin bir-biri ilə əlaqəsi yoxdur. Son dərəcə səhv olan bu davranış ananı mənfi mənada təsirləndirə bilər. Həkimlərin fikrincə, hamiləlik zamanı saç kəsdirməyin heç bir mənfi yönü yoxdur. Əksinə, hamiləlik dövründə onsuz da çox həssas olan qadınlar uzanmış və baxımsız saçlarla özlərini mənfi düşüncələrə sürükləyə bilərlər.
 
 
Adətən hamiləliyin 16-cı həftəsindən dölün müdafiə mexanizmi inkişaf edir. Bu zamandan sonra həkiminizlə məsləhətləşib ammonyaksız boyalarla saçınızı boyaya bilərsiniz. Saç boyası qoyulan yerin havalandırılması çox əhəmiyyətlidir. Çünki ciyərlərə nüfuz edən ammonyak anaya zərər verə bilər.
Gözəllik salonuna gedəcəksinizsə, səhər saatlarını seçə bilərsiniz. Qalıcı boyalar yerinə daha az zamanda çıxan boyalardan istifadəyə diqqət edilməlidir.
Qaynarinfo.Az