İş yoldaşına zamin durdu, ziyana düşdü (VİDEO)

İş yoldaşına zamin durdu, ziyana düşdü (VİDEO)

İş yoldaşının götürdüyü kreditə zamin duran şəxs onu ödəmək məcburiyyətində qalsa da, pulunu geri ala bilmir.

Qaynarinfo "Xəzər TV"yə istinadən xəbər verir ki, Sumqayıt şəhərində yaşayan Vadim Atakişiyev iş yoldaşı Vüsal Hacıyevin bankdan götürüdüyü 3 min manatlıq krediti üçün zamin durub. Sonra həmin şəxs krediti ödəmədiyi üçün Vadim krediti ödəməyə məcbur olub. İndi isə həmin şəxsdən pulunu geri ala bilmir.

Məhkəmə tərəfindən ötən il verilən qərara görə, həmin şəxs pulu qaytarmalı olsa da, Vüsal Hacıyev pulu qaytarmaq əvəzinə borcu olduğu şəxsdən gizlənir və tez-tez mobil nömrəsini dəyişir. Ailəsi isə Lerik rayonunun Bilnə kəndində yaşayır və Vadim hər dəfə borc üçün ora gedə bilmir.

Həmin şəxslə əlaqə salmaq mümkün olmayıb.

Hüquqşünas Xəyal Bəşirov mövzuya münasibət bildirərkən deyib ki, məhkəmənin qərarının icrası məcburidir və bunu etməyən şəxsə qarşı cinayət işi açıla, o, 2 min manatdan 4 min manata qədər cərimələnə və yaxud 3 ilə qədər azadlıqdan məhrum edilə bilər. Bunun üçün isə məhkəmənin yenidən işə baxıb və qərar verməsi lazımdır.
  • Tərəfdaşların xəbərləri
XƏBƏRLƏR
BLOGLAR