Qiraətçi futbolumuzun gününə şeirlə ağladı: "Gəl sənə təsəlli verim..."

- Digər idman növlərini təmsil edənlər inciməsin, mənim üçün idman futboldur. Digərləri idman növləri. (gülür)...

- Peşəkar səviyyədə xeyr, ancaq uşaqlıqdan futbol oynamağı çox sevmişəm. 

- Mən futbolu Ronaldo Nazarioya görə sevmişdim. Hətta 1998-ci il Dünya Çempionatından sonra saçımı keçəl etmişdim. Yayın ən qızmar vaxtında günəşin altında futbol oynayırdıq. Bu zaman meydançaya kölgəm düşərdi. Elə bilərdim ki, Ronaldoyam. Mənim üçün futbol kölgəmdə gördüyüm Ronaldodur.  

- Məktəb imtahanına getmədiyim üçün atam bərk əsəbləşmişdi. Məni döyəcəyindən qorxub evə girə bilmirdim. Hava qaralmışdı. Hələ də həyətdə gəzişirdim. Az sonra 2004-cü il Avropa Çempionatının seçmə qrup mərhələsində yığmamız İtaliyanın möhtəşəm millisi ilə qarşılaşacağdı. Mən həm də İtaliya millisinin azarkeşi idim deyə, o oyunu böyük həvəslə gözləyirdim. Evə girə bilmədiyim üçün həmin oyunu pəncərədən baxıb izləmişdim. Təəssüf ki, 0-2 məğlub olmuşduq.

- 18 ildir bir klubun aşiqiyəm: Milan. 

 

- İtaliya A Seriasının 2001-2002 mövsümündə "Milan" - "Yuventus" matçında "Milan"ın 7 nömrəli oyunçusu Andrey Şevçenko möhtəşəm qol vurmuşdu. Mən isə 7 rəqəmini sevirdim. Elə həmin qoldan sonra həm Şevçenkoya, həm də "Milan"ın qırmızı-qara rənglərinə böyük rəğbətim yarandı.

- Sonuncu dəfə "Fiorentina" - "Milan" oyununu izləmişəm. 1-1 hesabı ilə bitmişdi. Və təbii ki, bir "Milan" azarkeşi kimi yenə üzülmüşdüm. Artıq 9 ildir ki, bu nəticələrə öyrəncəliyik. 

- Olmayan şeyi necə izləyim?

- Kimlərsə məqsədli şəkildə futbolun inkişafına mane olurlar. Həmçinin uşaq futboluna diqqətin olmaması. Əsas problem bunlardır. 

- Nədənsə ağlıma Salam Sarvanın bu sətirləri gəldi:

Gəl, sənə təsəlli verim,

Darıxma, düzəlməyəcək...