Ermənistanın baş naziri Nikol Paşinyan bazar ertəsi Azərbaycanla sərhədlərin delimitasiyası üzrə komissiyanın yaradılması haqqında sərəncam imzalayıb.
Qaynarinfo-nun verdiyi xəbərə görə, Ermənistanın baş nazirinin müavini Mher Qriqoryan komissiyanın rəhbəri təyin edilib.
Müvafiq sərəncam Ermənistan Nazirlər Kabinetinin saytında dərc olunub.
"Hökumət fəaliyyəti haqqında" qanunun 7-ci maddəsini əsas götürərək, Azərbaycanla dövlət sərhədinin delimitasiyası və sərhədin mühafizəsi üzrə komissiya yaradılsın. Komissiyanın tərkibi təsdiq edilsin", - Paşinyanın sərəncamında deyilir.
Qeyd edək ki, bu gün Azərbaycan Prezidenti İlham Əliyev də Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyasının yaradılması haqqında
sərəncam imzalayıb.
