İdman 12:56 03.08.2019

"Qarabağ" "Ayaks"a, "Neftçi" "Ayntraxt"a rəqib ola bilər

Avqustun 5-də Nyon şəhərində Çempionlar Liqası və Avropa Liqasının pley-off mərhələsinin püşkatma mərasimi keçiriləcək.

Qaynarinfo xəbər verir ki, Bakı vaxtı ilə saat 14.00-da başlayacaq mərasimdə "Qarabağ"la "Neftçi"nin də potensial rəqibləri müəyyənləşəcək.

Çemöionlar Liqasının III təsnifat mərhələsində qarşılaşacaq "Qarabağ”la APOEL (Cənubi Kipr) cütünün qalibi "səpələnməmişlər" səbətində yer alacaq və rəqibi güclülərin arasından - "səpələnmişlər" səbətindən seçiləcək. Rəqib bu cütlüklərdən birinin qalibi olacaq:

PAOK (Yunanıstan) - Ayaks (Hollandiya)

ÇFR (Rumıniya) - Seltik (Şotlandiya)

Srvena zvezda (Serbiya) - Kopenhagen (Danimarka)

Dinamo (Xorvatiya) - Ferensvaroş (Macarıstan)

APOEL - "Qarabağ” cütünün məğlub komandası mübarizəni Avropa Liqasının pley-off mərhələsində davam etdirəcək. Həmin komanda "səpələnmişlər" səbətində yer alacaq və rəqibi daha zəiflərin arasından - "səpələnməmişlər" səbətindən seçiləcək. Rəqib Avropa Liqasının III təsnifat mərhələsinin bu cütlüklərindən birinin qalibi olacaq:

Sutyeska (Çernoqoriya) - Linfild (Şimali İrlandiya)

Ludoqorets (Bolqarıstan) - TNS (Uels)

Sarayevo (Bosniya və Herseqovina) - BATE (Belarus)

Astana (Qazaxıstan) - Valletta(Malta)

Slovan (Slovakiya) - Dandolk (İrlandiya)

Avropa Liqasındakı təmsilçimiz "Neftçi” İsrailin "Bney Yehuda" klubunu keçə bilsə, pley-off mərhələsinin püşkatmasına "səpələnməmişlər" səbətində yer alacaq və rəqibi "səpələnmişlər" səbətindən seçiləcək. Rəqib bu cütlüklərdən birinin qalibi olacaq:

Antverpen (Belçika) - Viktoriya (Çexiya)

Brondbü (Danimarka) - Braqa (Portuqaliya)

Vaduts (Lixtenşteyn) - Ayntraxt (Almaniya)

Malmö (İsveç) - Jrinski (Bosniya və Qerseqovina)

Partizan (Serbiya) - Yeni Malatyaspor (Türkiyə)